Լուսինե Աղաջանյան
- Վիքիպեդիայում կան հոդվածներ Աղաջանյան ազգանունով այլ մարդկանց մասին։
Լուսինե Աղաջանյան (մարտի 2, 1975, Լենինական, Հայկական ԽՍՀ, ԽՍՀՄ), հայ բանաստեղծուհի, արձակագիր, թարգմանչուհի։ ՀԳՄ անդամ՝ 2016 թվականից։
Լուսինե Աղաջանյան | |
|---|---|
| Ծնվել է | մարտի 2, 1975 (49 տարեկան) |
| Ծննդավայր | Լենինական, Հայկական ԽՍՀ, ԽՍՀՄ |
| Մասնագիտություն | գրող և բանաստեղծուհի |
| Անդամակցություն | ՀԳՄ |
| Լուսինե Աղաջանյան Վիքիդարանում | |
Կենսագրություն խմբագրել
Ծնվել է 1975 թվականի մարտի 2-ին Լենինական քաղաքում։ 1997 թվականին ավարտել է Գյումրու Մ․ Նալբանդյանի անվան մանկավարժական ինստիտուտի պատմաբանասիրական ֆակուլտետի պատմության բաժինը։ Ուսանողական տարիներին, որպես լավագույն հայագետ արժանացել է Իսկուհի Էմիրյանի անվան մրցանակի։ Գրել է բանաստեղծություններ, պիեսներ, պատմվածքներ, հեքիաթներ, տպագրվել Հայաստանի մանկապատանեկան «Պիոներ կանչ» թերթում, «Պիոներ» ամսագրում։ Տպագրվել է «Եղեգան փող», «Գրական թերթ», «Կումայրի», «Անցուդարձ», «Համայնապատկեր», «Նարցիս» թերթերում և ամսագրերում, «Կամուրջ» տարեգրքում, «Անցյալը չի լռում գրքում», «Կայարան» գրական հանդեսում, բանաստեղծությունները ռուսերեն թարգմանությամբ տպագրվել են «Շիրակ երկրի պոեզիան» և «Հայաստանի կանանց քնարերգությունը» ալմանախներում։ Նրա ստեղծագործություններն ընդգրկվել են նաև «Գրական Գյումրի» և «101 աղոթք հիշատակի», «Սիրոյ մատեան» գրքերում, «Հանդիպում», «Արձակ դաշտեր» և «Սրտագիր» ալմանախներում։
2023 թվականին ավարտել է ՇՊՀ մագիստրատուրան հոգեբանություն մասնագիտությամբ՝ ստանալով հոգեբան-հոգեթերապևտի որակավորում[1]։
Երկեր խմբագրել
- Հույզերի հեղեղ (բանաստեղծություններ), 2013։
- Վերհիշումներ (արձակ), 2015։
- Ջիգրեխելառ Գյումրի, 2018։
- Էրթանք ապրելու, 2020։
- Լուսնային վարիացիաներ, 2023։
- Ծոցագրքի խուտուտներ, 2023։
Թարգմանություններ խմբագրել
- Գիրինա Մալյան, Եվ ժամանակը կանգ առավ (վեպ)
Ծանոթագրություններ խմբագրել
- ↑ Գրական տեղեկատու, Ե․, Վան Արյան, 2023, էջ 15։