Իֆիգենիա կապտաթիթեռ
Իֆիգենիա կապտաթիթեռ | ||||||||
---|---|---|---|---|---|---|---|---|
Գիտական դասակարգում | ||||||||
|
||||||||
Լատիներեն անվանում | ||||||||
Agrodiaetus iphigenia
|
Իֆիգենիա կապտաթիթեռ (լատին․՝ Agrodiaetus iphigenia), կապտաթիթեռների ընտանիքին պատկանող միջատ, որը գրանցված է Հայաստանի Կարմիր գրքում։
Նկարագրություն
խմբագրելՈչ խոշոր չափի թիթեռ է։ Արուների առջևի թևի երկարությունը 15-20 մմ է։ Մետաքսային փայլով թևերի ընդհանուր երանգը երկնագույն է, իսկ ստորինի մակերեսն ունի հետին թևերի վրա լավ արտահայտված սեռին բնորոշ դիսկալ ուղղությամբ լայնացող սպիտակ մանրագծեր[1]։
Տարածվածություն
խմբագրելՏարածված են Հարավային Եվրոպայում, Թուրքիայում, Հարավային Կովկասում։ Հայաստանում հայտնի է միայն Վայոց ձորի (Աղնջաձոր և Գնիշիկ գյուղերի շրջակայք) և Սյունիքի (Բիչանագի լեռնանցքից դեպի հյուսիս գտնվող լանջեր)[1]։
Էկոլոգիա
խմբագրելԱպրում են չոր ենթալպյան մարգագետիններում, անտառի վերին եզրի բացատներում` 1400-2200 մ ծովի մակարդակից բարձր։ Տալիս են մեկ սերունդ, իսկ թռիչքը տեղի է ունենում հունիսի վերջից մինչև հուլիսի վերջը։ Ձմեռում են երկրորդ, երրորդ հասակի թրթուրները[1]։
Պահպանություն
խմբագրելՍահմանափակ արեալով, ոչ բարձր թվաքանակով հազվագյուտ տեսակ է։ Բնության պահպանության միջազգային միության Կարմիր ցուցակի չափորոշիչներով գնահատվում է որպես վտանգված տեսակ։
Թվաքանակի փոփոխության միտումները բացահայտված չեն։
Վտանգման հիմնական գործոններ են հանդիսանում խոպան հողերի հերկումը, անասունների գերարածեցումը։
Պահպանության միջոցառումներ չեն իրականացվում[1]։
Ծանոթագրություններ
խմբագրել- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.