Ինքնագնաց շասսի
Ինքնագնաց շասսի, անիվավոր տրակտոր։ Նախատեսված է գյուղատնտեսական կախվող տիպի մեքենաների հետ աշխատելու համար։ Կատարում է բանջարաբուծական, անասնապահական ֆերմաների, տրանսպորտային և այլ աշխատանքներ։ Տրակտորից տարբերվում է կառուցվածքի և շահագործման պարզությամբ, փոքր քաշով, շարժունակությամբ։ Լինում է ունիվերսալ և նպատակային։ Ավելի տարածված է ունիվերսալը։ Ինքնագնաց շասսիի շարժիչը տեղակայված է հետևի մասում, առջևում ազատ շրջանակն է, որի վրա հավաքում են գյուղատնտեսական տարբեր մեքենաներ։ Ինքնագնաց շասսինները հատկապես լավ են աշխատում միջշարային մշակման կուլտիվատորների հետ։
![](http://upload.wikimedia.org/wikipedia/commons/thumb/8/80/%D0%AD%D0%A2%D0%A0-204_%D0%A1%D0%BE%D0%BA%D0%BE%D0%BB_%D0%B3%D0%BE%D1%80%D0%B01.jpg/220px-%D0%AD%D0%A2%D0%A0-204_%D0%A1%D0%BE%D0%BA%D0%BE%D0%BB_%D0%B3%D0%BE%D1%80%D0%B01.jpg)
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 361)։ ![]() |