Իզի Ի

Էրիկ Լին Ռայթ (անգլ.՝ Eric Lynn Wright, սեպտեմբերի 7, 1964(1964-09-07), Քոմփթոն, Լոս Անջելես շրջան, Կալիֆոռնիա, ԱՄՆ - մարտի 26, 1995(1995-03-26), Լոս Անջելես, Կալիֆոռնիա, ԱՄՆ), առավել հայտնի Իզի-Ի (Eazy-E) բեմական անվամբ, ամերիկացի ռեփեր։ Հայտնի ինչպես սոլո կարիերայի համար, այնպես էլ որպես «N.W.A.» հիփ հոփ համույթի անդամ։

Իզի Ի
Իզի Ի-ն 1993 թվականին
Հիմնական տվյալներ
Բնօրինակ անուն	Eazy-E
Ի ծնե անուն	Էրիկ Լին Ռայթ Eric Lynn Wright
Նաև հայտնի է որպես	Eazy-E
Ծնվել է	1964 սեպտեմբերի 7 Քոմփթոն, Կալիֆորնիա, ԱՄՆ
Երկիր	ԱՄՆ
Մահացել է	մարտի 26, 1995(1995-03-26) (տարիքը 30) Լոս Անջելես, Կալիֆոռնիա, ԱՄՆ
Գերեզման	Rose Hills Memorial Park
Ժանրեր	Գենգստա ռեփ, ուեսթ քոսթ հիփ հոփ
Մասնագիտություն	Ռեփեր
Գործիքներ	վոկալ
Գործունեություն	1986–1995
Լեյբլ	Ruthless Priority Relativity Epic MCA
Կրթություն	Թրուրո ուսումնական ակադեմիա, Քոմփթոնի ավագ դպրոց, Մանուել Դոմինգեսի ավագ դպրոց և Ուիլյամ Հովարդ Թաֆթի անվան ավագ դպրոց
Անդամակցություն	N.W.A և Crips
Կապված	N.W.A The D.O.C. Arabian Prince Rhythum D Above the Law B.G. Knocc Out Dresta Ice-T Bone Thugs-n-Harmony DJ King Assassin Kokane
Eazy-E Վիքիպահեստում

Ծնվել է Քոմփթոն քաղաքում (Կալիֆորնիա նահանգ)։ Տասներորդ դասարանում դպրոցը լքելուց հետո, Ռայթն սկսում է ապրուստ վաստակել թմրանյութեր վաճառելով, որից հետո հիմնում է «Ruthless Records» ձայնագրման ստուդիան և սկսում ռեփով զբաղվել։ 1986 թվականին Արաբիան Փրինսի, Դոկտր Դրեի և Այս Քյուբի հետ հիմնում է «N.W.A.» խումբը։ Դի Ջեյ Յելայի և Էմ Սի Ռենի՝ թիմին միանալուց հետո, խումբը թողարկում է դեբյուտային «Straight Outta Compton» ալբոմը, որը մեծ աղմուկ է բարձրացնում հասարակության շրջանում։ Եվս երկու ալբոմ թողարկելուց հետո, խումբը լուծարվում է այն բանից հետո, երբ Իզին չեղյալ է հայտարարում Դոկտր Դրեի պայմանագիրը։

Համարվում է գենգստա ռեփի կնքահայրը։

Մահացել է ՁԻԱՀ-ից՝ 1995 թվականի մարտի 26-ին՝ 30 տարեկանում։

Արտաքին հղումներ

• Էջը IMDb.com կայքում(անգլ.)