Ժակքարդի մեքենա

Ժակքարդի մեքենա, խոշոր նախշերով գործվածքների մշակման համար ջուլհակահաստոցի հարմարանք։ Կոչվում է ֆրանսիացի ջուլհակ և գյուտարար Ժակքարդի անունով։

Ժակքարդի մեքենա

Ջուլհակահաստոցի տեսակ

Ենթակատեգորիա	• ջուլհակահաստոց  • automatic loom
Ստեղծում	1801
Կիրառությունը	Jacquard weaving
Կոչվել է ի պատիվ	Joseph Marie Jacquard
Հայտնաբերող կամ հնարող	Joseph Marie Jacquard
Կազմված է	Jacquard mechanism

Ժակքարդի մեքենան հնարավորություն է տալիս երախի առաջացման դեպքում՝ ջուլհակահաստոցի վրա առանձին կառավարել հենքի յուրաքանչյուր թելի կամ մի խումբ թելերի տեղաշարժը և մշակել այնպիսի գործվածքներ, որոնց զարդանախշը կազմված է մեծ թվով թելերից։ Այդ մեքենայով կարելի է պատրաստել զգեստի նախշավոր և դեկորատիվ գործվածքներ, գորգեր, սփռոցներ։ Ունի դանակներ, հելուններ, ասեղներ, շրջանակի տախտակ և քուղեր, ծակատված պրիզմա։

Ժակքարդի մեքենայի աշխատանքի սկզբունքը կիրառվում է ոչ միայն տեքստիլագործության մեջ, այլն տեխնիկայի այն բնագավառներում, որտեղ պահանջվում է տարրերի բարդ և բազմազան համակցությունների հաջորդական վերարտադրություն։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 272)։

Վիքիպահեստն ունի նյութեր, որոնք վերաբերում են «Ժակքարդի մեքենա» հոդվածին։