Թրաֆալգարյան հրապարակի տոնածառ
Թրաֆալգարյան հրապարակի տոնածառ (անգլ.՝ Trafalgar Square Christmas tree, Թրաֆալգարյան հրապարակի սուրբծննդյան ծառ), Նորվեգիայի մայրաքաղաք Օսլոյի նվերը Մեծ Բրիտանիայի ժողովրդին[1], որ տեղադրվում է ամեն տարի՝ սկսած 1947 թվականին։ Այն Թրաֆալգարյան հրապարակում մնում է դեկտեմբերի սկզբից մինչև հունվարի 6-ը։
Պատմություն խմբագրել
Թրաֆալգարյան հրապարակի տոնածառն Օսլո քաղաքի ամենամյա նվերն է որպես երախտագիտության նշան այն օգնության համար, որ Մեծ Բրիտանիան ցույց է տվել Նորվեգիային Երկրորդ համաշխարհային պատերազմի ժամանակ[2]։
Տոնածառի շուրջն ընկած տարածքը դառնում է Սուրբ ծննդյան տոնակատարության, առաջին հերթին՝ սուրբծննդյան երգեցողության վայր, որոնց մասնակցում են տարբեր կոլեկտիվներ՝ ոչ առևտրային կամ բարեգործական կազմակերպությունների համար միջոցներ հավաքելու նպատակով։
Տոնածառը հրապարակում մնում է մինչև Սուրբ ծննդյան տասներկուերորդ գիշերը, ինչից հետո ծառն ուղարկվում է վերամշակման[3]։
Ծառ խմբագրել
Որպես տոնածառ Թրաֆալգարյան հրապարակում, որպես կանոն, տեղադրվում է 50-60-ամյա նորվեգական եղևնի, որը սովորաբար ունի ավելի քան 20 մետր բարձրություն։ Ծառը կտրում են Նորվեգիայում մոտավորապես նոյեմբերին, իսկ կտրման արարողությանը մասնակցում են Նորվեգիայում Մեծ Բրիտանիայի դեսպանը, Օսլոյի քաղաքապետը և Վեստմինստրի լորդ-քաղաքապետը։ Ապա ծառն ուղարկվում է Մեծ Բրիտանիա ծովային տրանսպորտով[3]։ Նախկինում մի քանի տարի եղևնին անվճար Ֆիլիկստոու նավահանգիստ է հասցրել Fred Olsen Line ընկերությունը[1]։ 2007 թվականին ծառը Մեծ Բրիտանիա է հասցվել Իմմինգհեմ նավահանգստով DFDS Tor Line ընկերության աջակցությամբ[4]։ 2018 թվականին եղևնու տեղափոխումը, պահպանությունն ու Թրաֆալգարյան հրապարակում նրա տեղադրումն ստանձնել է Radius Crane Management Ltd ընկերությունը[5]։
Թրաֆալգարյան հրապարակի տոնածառը զարդարվում է ավանդական նորվեգական ոճով և լուսավորվում 500 սպիտակ լապտերներով։ 2008 թվականին օգտագործվել են ցածր հզորության հալոգենային լամպեր, որոնց ընդհանուր հզորությունը կազմել է 3,5 կՎտ[6]։
Ծառի բնի մոտ տեղադրվում է ցուցանակ հետևյալ գրությամբ.
Այս ծառը նվիրել է Օսլո քաղաքն ի նշան լոնդոնցիների հանդեպ նորվեգացիների երախտագիտության 1940-45 թվականներին նրանց ցուցաբերած օգնության համար։
Ծառը նվիրվում է ամեն տարի՝ սկսած 1947 թվականից։Բնօրինակ տեքստ (անգլ.)This tree is given by the city of Oslo as a token of Norwegian gratitude to the people of London for their assistance during the years 1940-45.
A tree has been given annually since 1947.
Լույսերի վառում և երգեցողություն խմբագրել
Տոնածառերի լույսերը վառելու արարողությունը կատարվում է դեկտեմբերի առաջին հինգշաբթի օրը մի քանի հազար մարդկանց ներկայությամբ։ Արարողությունն անցկացնում է Վեստմինստրի լորդ-քաղաքապետը, իսկ երաժշտությունն ապահովում են նվագախումբն ու երգչախումբը[4]։
Տոնածառի շուրջն ավանդաբար հավաքվում են սուրբծննդյան երգերի կատարողներ[1]։ Բազմաթիվ լոնդոնցիների համար տոնածառն ու նրա հետ կապված միջոցառումները նշանակում են Սուրբ ծննդյան մոտենալը[3]։
2009 թվականին Պոեզիայի միությունն ամեն տարի հավաքում է նոր բանաստեղծություններ ծառի բնի մոտ տեղադրվող ցուցանակների համար։ 2010 թվականին բանաստեղծություններից մեկը դպրոցականներն արտասանել են տոնածառերի լույսերը վառելու արարողության ժամանակ[7]։
Ծանոթագրություններ խմբագրել
- ↑ 1,0 1,1 1,2 Baker, Margaret. Discovering Christmas Customs and Folklore: A Guide to Seasonal Rites, (Google Books(չաշխատող հղում)), Osprey Publishing, 1992, p. 50,(
- ↑ Solholm, Rolleiv (2013 թ․ դեկտեմբերի 7). «Norway's Christmas tree lights up Trafalgar Square». The Norway Post. Արխիվացված է օրիգինալից 2016 թ․ ապրիլի 15-ին. Վերցված է 2013 թ․ դեկտեմբերի 7-ին.
- ↑ 3,0 3,1 3,2 "Christmas in Trafalgar Square Արխիվացված 16 Փետրվար 2009 Wayback Machine", Greater London Assembly, official site, 2008, accessed 26 March 2009.
- ↑ 4,0 4,1 Strange, Hannah. The Trafalgar Christmas Tree The Times, (London), 6 December 2007, accessed 26 March 2009.
- ↑ caterpillar (2018 թ․ դեկտեմբերի 19). «It's beginning to look a lot like Christmas in Trafalgar Square!» (ամերիկյան անգլերեն). Radius. Վերցված է 2019 թ․ հոկտեմբերի 24-ին.
- ↑ "Trafalgar Square Christmas tree marks the start of Christmas in Westminster Արխիվացված 2012-12-23 archive.today", City of Westminster, 8 December 2008, accessed 26 March 2009.
- ↑ «Trafalgar Square Christmas Tree - Wrapped in Poetry». The Poetry Society. Արխիվացված է օրիգինալից 2011 թ․ հունվարի 2-ին. Վերցված է 2010 թ․ դեկտեմբերի 10-ին.