Թեհրանի գրքի միջազգային տոնավաճառ
Թեհրանի գրքի միջազգային տոնավաճառ (պարս.՝ نمایشگاه بینالمللی کتاب تهران, անգլ.՝ Tehran International Book Fair (TIFB)) գրքի ամենամյա տոնավաճառ, որը 1987 թվականից անցկացվում է մայիսի սկզբին Թեհրանում։
Միջոցառումը ավանդաբար անց է կացվել Աբբասաբադի շրջանում, իմամ Խոմեյնիի Մոսսալում։ 2017 թվականին միջոցառումն անց է կացվել Շահրե աֆտաբ շրջանում։ Տոնավաճառը բաժանված է հսկայական բաժինների, որոնց մեջ է մտնում, օրինակ, «Գրողների տունը», գրքերի բաժին, որը նվիրված է իրանցի տարբեր ոլորտների նշանավոր գործիչների։
Իրանում գրքի տոնավաճառն ամեն տարի ունենում է հազարավոր այցելուներ, ինչը պայմանավորված է երկրում ընթերցանության և գրքի հանդեպ ավանդական հետաքրքրությամբ։ Դրա վառ ապացույցն է տոնի բացմանը Իրանի նախագահի ու Իրանի Իսլամական Հանրապետության առաջին դեմքերի մասնակցությունը։
Տոնավաճառին ներկայացված բոլոր գրեքերը հասանելի են գնելու համար։ 2016 թվականի տոնավաճառում վաճառված գրքերի արժեքը կազմել է 120 միլիոն իրանական ռիալ (մոտ 38 միլիոն դոլար)[1]։
Միջին հաշվով փառատոնին ամեն տարի մասնակցում են 2500 իրանական և 600 արտասահմանյան հրատարակիչներ։ Արտասահմանյան հրատարակիչները հիմնականում առաջարկում են գրքեր անգլերեն և արաբերեն լեզուներով, բայց տոնավաճառում ներկայացվող գրքերում կան նաև ֆրանսերեն, գերմաներեն, չինարեն, կորեերեն, ճապոներեն, ռուսերեն և այլ լեզուներով գրքեր։
Տես նաև խմբագրել
Ծանոթագրություններ խմբագրել
- ↑ «Իրանի մշակութային ցուցահանդեսների կազմակերպության կայքը». Արխիվացված է օրիգինալից 2017 թ․ մայիսի 3-ին. Վերցված է 2020 թ․ մարտի 1-ին.
Արտաքին հղումներ խմբագրել
- Վիդեո
- 18-րդ միջազգային տոնավաճառ Իրանում (PressTV 2011)
- Թեհրանի գրքի միջազգային 25-րդ տոնավաճառ (PressTV 2012)
- Թեհրանի գրքի 27-րդ տոնավաճառը ջերմորեն ողջունում է գրքասերերին (PressTV 2014)