Թագավորական գրական հասարակություն
Թագավորական գրական հասարակություն (անգլ.՝ The Royal Society of Literature), Մեծ Բրիտանիայի հեղինակավոր գրական կազմակերպություն, որը ստեղծվել է 1820 թվականին թագավոր Գեորգ 4-րդի կողմից` «գրականության բնագավառում վաստակի խրախուսման և գրական տաղանդների խթանման նպատակով»[1]։ Ընկերությունը գտնվում է Լոնդոնի Սոմերսեթ հաուսում։
Թագավորական գրական հասարակություն | |
|---|---|
| Տեսակ | գիտական ընկերություն և ազգային ակադեմիա |
| Հիմնադրված է | 1820 |
| Հիմնադրիր | Գեորգ IV |
| Երկիր |  Միացյալ Թագավորություն |
| Կայք | rsliterature.org |
Հասարակության անդամությունԽմբագրել
Հասարակությունն ունի մոտավորապես 500 անդամ, որոնցից յուրաքանչյուրն իրավունք է ստանում օգտագործել F.R.S.L. հապավումը անվան մոտ։ Ընկերություն են ընդունվում գրողներ, բանաստեղծներ, դրամատուրգներ, կենսագիրներ, ճանապարհորդական ուղեցույցներ գրողներ, գրականագետներ և անգլերեն լեզվով գրող սցենարիստներ։ Թեկնածուին ներկայացվող պահանջները. Առնվազն երկու հրատարակված գիրք, հասարակության առնվազն երկու գործող անդամների առաջարկներ։ Ընտրություններն անցկացվում են տարին երկու անգամ։ Քվեարկությանը մասնակցում են հասարակության նախագահը, փոխնախագահները և խորհուրդը։ 70 թեկնածուներից շուրջ 15-ը տարեկան դառնում են հասարակության անդամ։ Հասարակության նորընտիր անդամներից են Յան Բենքսը (2009), Իմթիազ Դարկերը (2011)։ Ընտրվելուց հետո հասարակության նոր անդամները Բայրոնի կամ Դիքենսի գրիչով պաշտոնական գրանցամատյանում մուտքագրում են իրենց անունները։ Հասարակության խորհուրդը հավաքվում է ամիսը մեկ անգամ ՝ քննարկելու դասախոսությունների, գրական ընթերցումների, վեճերի ծրագիրը։ Գրականության թագավորական ընկերությունը հրատարակում է ամենամյա ալմանախ և շնորհում է մի շարք մրցանակներ և պարգևներ։
- RSL Encore մրցանակ - 10,000 ֆունտ ստեռլինգ տարվա լավագույն երկրորդ վեպի համար։ RSL- ն այս մրցանակը շնորհում է 2016 թվականից։
- The RSL Giles St Aubyn Awards for Non-Fiction- ամենամյա պարգևներ, մեկ 10 000 ֆունտ ստեռլինգ և երկու-5000 ֆունտ ստեռլինգ փաստագրական գրականության ժանրում առաջին հրապարակումների համար։
- Ondaatje Prize - ամենամյա մրցանակ 10 000 ֆունտ ստեռլինգ արձակի, պոեզիայի կամ փաստագրական ժանրի ականավոր ստեղծագործության համար, որը բացահայտում է տեղի ոգին։
- Վիկտոր Պրիչետի հուշային մրցանակ- 1000 ֆունտ ստերլինգ՝ տարվա լավագույն չհրապարակված պատմվածքի համար։
- Բենսոնի մեդալ - գրականությանը երկարաժամկետ կայուն ծառայության համար։
- Գրականության ընկեր-ամենապատվավոր կոչումն է, որը Ընկերությունը կարող է շնորհել գրողին։
Նախագահների ցուցակԽմբագրել
Թագավորական գրական հասարակության առաջին նախագահը անգլիացի գրող և փիլիսոփա եպիսկոպոս Թոմաս Բյորջենսն էր[2]։
Այս տարիների ընթացքում Թագավորական գրական հասարակության նախագահներ են եղել.
- 1820-1832, Թոմաս Բյորջենս (Սբ. Դեյվիդսի եպիսկոպոս)
- 1832-1833, Ջորջ Ագար Էլիս, Լորդ Դովեր
- 1834-1845, Ֆրեդերիկ Ռոբինսոն
- 1845-1849, Հենրի Հալամ (անգլ. ՝ Henry Hallam)
- 1849-1851, Սփենսեր Քոմփթոն, լորդ Նորթհեմփթոն
- 1851-1856, Կոմս Կարլայլ
- 1856-1876, Եպիսկոպոս Կոննոպ Տրիվոլսկի
- 1876-1885, Օլբանի դուքս Լեոպոլդ
- 1885-1893, Սըր Պատրիկ Կոլհաուն
- 1893-1920, Լորդ Հալսբուրի
- 1921-1946, Ռոբերտ Քրյու Միլնս
- 1946-1947, Կոմս Լիտտոն
- 1947-1982, Ռեբ Բաթլեր
- 1983-1988, Անգուս Վիլսոն
- 1988-2003, Ռոյ Հարիս Ջենկինս
- 2003-2008, Մայքլ Հոլյորդ
- 2008—2017, Քոլին Տաբրոն
- 2017 թվականից մինչ այժմ` Մարինա Ուորներ
ԾանոթագրություններԽմբագրել
- ↑ «История Королевского литературного общества» (англ)։ Официальный сайт Королевского литературного общества։ Արխիվացված է օրիգինալից 2012-04-16-ին։ Վերցված է 2010-02-03
- ↑ www.bbc.co.uk