Էմմա Գաբրիելյան

Էմմա Գաբրիելյան;
Ծնվել է	օգոստոսի 10, 1946 (78 տարեկան)
Ծննդավայր	Ստեփանակերտ, Ադրբեջանական ԽՍՀ, ԽՍՀՄ
Կրթություն	Երևանի պետական համալսարան
Մասնագիտություն	բանասեր

Վիքիպեդիայում կան հոդվածներ Գաբրիելյան ազգանունով այլ մարդկանց մասին։

Էմմա Պավելի Գաբրիելյան (օգոստոսի 10, 1946(1946-08-10), Ստեփանակերտ, Ադրբեջանական ԽՍՀ, ԽՍՀՄ), բանասեր, Լեռնային Ղարաբաղի սոցիալական ապահովության նախարարի տեղակալ (2000-2007), Լեռնային Ղարաբաղի Ազգային ժողովի նախկին փոխնախագահ^[1]։

Կենսագրություն

Էմմա Գաբրիելյանը ծնվել է 1946 թվականի օգոստոսի 10-ին, Ստեփանակերտ քաղաքում։ Նախնական կրթությունը ստացել է Չափար գյուղի միջնակարգ դպրոցում, որից հետո՝ 1958-1963 թվականներին, ուսումը շարունակել է Ստեփանակերտ քաղաքի թիվ 1 դպրոցում։ Էմմա Գաբրիելյանը բարձրագույն կրթություն է ստացել Երևանի պետական համալսարանի բանասիրական ֆակուլտետում, աշխատել է կոմերիտմիության քաղաքային և մարզային կոմիտեներում։ Որպես ուսուցչուհի և ուսմասվար 1972-1977 թվականներին աշխատել է Ստեփանակերտի թիվ 7 և թիվ 9 միջնակարգ դպրոցներում։ 1977 թվականին ընտրվել է Լեռնային Ղարաբաղի լուսավորության մարզային տան (ուսուցիչների տուն) վարչության նախագահ և տնօրեն։ 1980 թվականին ընտրվել է պետական հիմնարկների արհմիության քաղաքային կոմիտեի նախագահ, եղել է «Մոր և մանկան պաշտպանության» հանձնաժողովի նախագահ։

Էմմա Գաբրիելյանը եղել է չորս գումարումների քաղաքային խորհրդի պատգամավոր։ 1985 թվականի ընտրվել է քաղխորհրդի պատգամավոր, որից հետո՝ գործկոմի պատասխանատու քարտուղար։ Եղել է նաև քաղաքի կանանց խորհրդի նախագահ։

1995 թվականի ապրիլի 30-ին Ստեփանակերտի թիվ 1 ընտրատարածքից ընտրվել է Լեռնային Ղարաբաղի 2-րդ գումարման գերագույն խորհրդի պատգամավոր։ Եղել է Արցախի Ազգային ժողովի նախագահի տեղակալ^[2], Հայաստանի և Լեռնային Ղարաբաղի խորհրդարանական համագործակցության հանձնաժողովի համանախագահ։

2000-2007 թվականներին զբազեցրել է սոցիալական ապահովության նախարարի տեղակալի պաշտոնը։

Ամուսնացած է, երեք դստրերի մայր է։

Պարգևներ

«Երախտագիտություն» մեդալ
«Մխիթար Գոշ» մեդալ

Ծանոթագրություններ

↑ «Գաբրիելյան Էմմա Պավելի». www.nankr.am. Վերցված է 2023 թ․ օգոստոսի 14-ին.(չաշխատող հղում)
↑ «ԱՐՑԱԽԻ (ԼԵՌՆԱՅԻՆ ՂԱՐԱԲԱՂԻ ) ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎ». Արխիվացված է օրիգինալից 2022 թ․ հունվարի 25-ին. Վերցված է 2023 թ․ օգոստոսի 14-ին.

[1] «Գաբրիելյան Էմմա Պավելի». www.nankr.am. Վերցված է 2023 թ․ օգոստոսի 14-ին.(չաշխատող հղում)

[2] «ԱՐՑԱԽԻ (ԼԵՌՆԱՅԻՆ ՂԱՐԱԲԱՂԻ ) ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎ». Արխիվացված է օրիգինալից 2022 թ․ հունվարի 25-ին. Վերցված է 2023 թ․ օգոստոսի 14-ին.

[1]

[2]

Էմմա Գաբրիելյան
Ծնվել է	օգոստոսի 10, 1946(1946-08-10) (78 տարեկան)
Ծննդավայր	Ստեփանակերտ, Ադրբեջանական ԽՍՀ, ԽՍՀՄ
Կրթություն	Երևանի պետական համալսարան
Մասնագիտություն	բանասեր