Էլոն Սարաֆյան
Էլոն Սարաֆյան (անգլ.՝ Elon Sarafian, , Երևան), հայ երգիչ, երգերի հեղինակ։
| Էլոն Սարաֆյան | |
|---|---|
| Ծնվել է | Երևան |
| Երկիր |  ԱՄՆ |
| Մասնագիտություն | երգիչ |
| Գործիքներ | վոկալ |
Կենսագրություն խմբագրել
Ծնվել է Երևան քաղաքում (ՀԽՍՀ)։ Երաժշտական գործունեությունը սկսել է յոթ տարեկանում։ Դասական երաժշտությունից սկսելով՝ Սարաֆյանը հետագայում հետաքրքրվել է գործիքային ջազ երաժշտությամբ և 13 տարեկանից սկսել գրել երգերի տեքստեր։
Տեղափոխվելով Լոս Անջելես՝ Սարաֆյանը հայտնվել է ամերիկյան մշակութային միջավայրում։ Նա ոչ միայն շարունակել է գրել երգեր, այլև տարբեր ժամանակներում ստեղծել մի քանի երաժշտական խումբ՝ գտնվելով ամերիկյան կատարողների ազդեցության տակ։ Մի քանի տարի անց նա դադարել է զբաղվել երաժշտությամբ, ինչը դարձել է առանցքային իրադարձություն նրա գործունեության համար, քանի որ նա սկսել է աշխատել հայերեն երգեր գրելու և կատարելու ուղղությամբ[1]։ Իր «The Meaning of Life» դեբյուտային ալբոմում Սարաֆյանը ներառել է տարբեր ժանրերի երգեր, որոնք արտացոլում են կյանքի տարբեր իրավիճակներ։ Այդ մոտեցումը նա պահպանել է նաև իր երկրորդ՝ «The Color of my World» ալբոմում։
Իր երկրորդ ալբոմը ստեղծելու համար Սարաֆյանից երկու տարվա հուզական որոնումներ են պահանջվել։ Նրա համոզմամբ՝ իր երգերը յուրահատուկ են և արտացոլում են իր հայ լինելը։ Յուրաքանչյուր ստեղծագործություն ոճային առումով տարբերվում է մյուսներից։
Ինչպես պնդում է ինքը՝ Սաֆարյանը․
|
Ես ընդամենը ուզում եմ իմ երաժշտությունը կապել ունկնդիրների հետ։ Մենք պարտավոր ենք պահպանել հայկական մշակույթը և մեր լեզուն, այստեղից էլ առաջին ալբոմի՝ «The Armenian Language»-ի երգերը, ինչպես նաև «Armenian Girl» և «For Diaspora» երգերը «Temptation» ալբոմից։ Այս երգերը նախ և առաջ ուղղված են մեր երիտասարդությանը, և եթե այս կերպ ես կարողանամ ազդել գոնե մեկ հայ երիտասարդի վրա, ապա ես կատարած կհամարեմ իմ առաջադրանքը։
Բնօրինակ տեքստ (անգլ.)
I just want to make a connection between my music and the people who listen to it. It is imperative that we preserve the Armenian culture and our language, hence the song The Armenian Language from first album and songs like Armenian Girl and For Diaspora from Temptation. These compositions are targeted mostly towards our youth and if I can influence just one young Armenian, that I have fulfilled my objective.[2] |
|