Զինջիրլի մեդրեսե

Զինջիրլի մեդրեսե; Zıncırlı medrese
Տեսակ	մեդրեսե
Երկիր	Ուկրաինա և Ռուսաստան
Տեղագրություն	Բախչիսարայ
Հարկեր	1
Կառուցման սկիզբ	1500
Հիմնադրված է	1500
Հիմնադիր	Meñli I Giray?
Վերանորոգվել է	2007
Ժառանգության կարգավիճակ	ֆեդերալ նշանակության մշակութային ժառանգության օբյեկտ

Զինջիրլի մեդրեսե (Ղրիմի թաթարերեն՝ Zıncırlı medrese, ուկրաիներեն՝ Зинджирли-медресе, Медресе Ланцюгів^[1], թարգմանաբար՝ շղթայով մեդրեսե), մեդրեսե, որը 1500 թվականին հիմնադրել է Մենգլի I Գերայը Սալաչիկում (այժմ այն Բախչիսարայի արվարձաններից է)։ Մինչև 2014 թվականը այս մեդրեսեն իրենից ներկայացնում էր Ուկրաինայի տարածքում գտնվող պահպանված հնագույն ուսումնական հաստատություն։ Այն նաև խորհրդային ժամանակաշրջանում միակ պահպանված պատմական մեդրեսեն է Ղրիմի տարածքում։ Անվանումն ստացել է մուտքի դռան մոտ կախված շղթայից, որի պատճառով մեդրեսե մտնող ամեն մի մարդ ստիպված է լինում կռացնել գլուխը։

Ֆեդերալ նշանակության մշակութային ժառանգության օբյեկտ է։

Ճարտարապետություն խմբագրել

Զինջիրլի մեդրեսեի շենքը քարից է, ունի քառակուսի նախագիծ, մեկհարկանի է, ներքին փոքրիկ բակով, որտեղ հնում գտնվել է շատրվան (2007 թվականի վերականգնումից հետո բակի վերևում սարքվել է ապակե տանիք)։ Մեդրեսեի փոքրիկ բակի ամբողջ երկարությամբ կամարապատ պատշգամբասրահ է՝ ծածկված տասը կիսագնդաձև գմբեթներով, որոնք հենվում են սլաքաձև կամարների և սյուների վրա։ Պատշգամբասրահի երեք կողմերում տեղակայված են սլաքաձև ծածկերով կացության և ուսումնական տեղերը։ Կառույցի բավականին խիստ արտակազմվածքը ամրոց է հիշեցնում։ Միակ դռան որմնախոռոչում կախված է երկաթե շղթա, որպեսզի յուրաքանչյուրը, որ կմտնի մեդրեսե, խոնարհի գլուխը։ Դռան վրա տեղակայված է հետևյալ գրությունը.

Այս ուսումնարանը Ամենաողորմած Աստծո օգնությամբ հրամայել է կառուցել Մենգլի Գերայը՝ Հաջի Գերայ խանի որդին. թող շարունակի Աստված նրա արքայությունը մինչև դարի վերջ։ 906^[2] թվական