Երևանի ֆուտբոլի ակադեմիա
Պաշտոնական՝ Հայաստանի ֆուտբոլի ֆեդերացիայի Տեխնիկական կենտրոն-ակադեմիա, ավելի հայտնի է որպես Երևանի ֆուտբոլի ակադեմիա, ֆուտբոլի մարզումների համար նախատեսված ժամանակակից ակադեմիա է Հայաստանի Հանրապետության մայրաքաղաք Երևանում։ Ակադեմիայի շինարարությունը սկսվել է 2007 թվականին։ Բացվել է 2010 թ.-ի սեպտեմբերի 1-ին Երևանի Ավան վարչական շրջանում՝ Հայաստանի ֆուտբոլի ֆեդերացիայի կողմից։ Պաշտոնական բացումն ազդարարել են ՀՀ նախագահ Սերժ Սարգսյանը, ՈՒԵՖԱ-ի նախագահ Միշել Պլատինին և ՀՖՖ նախագահ Ռուբեն Հայրապետյանը։ Ակադեմիայի գլխավոր նպատակն է զարգացնել հայկական ֆուտբոլը։ Կենտրոը ծառայում է բոլոր այն երեխաների և երիտասարդների համար, ովքեր սիրում են ֆուտբոլը։
| Երևանի ֆուտբոլի ակադեմիա | |
|---|---|
 | |
| Տեսակ | վայր |
| Երկիր |  Հայաստան |
| Հիմնադրված | սեպտեմբերի 1, 2010 |
| Կայք | footballacademy.am |
Մարզահամալիրը ներառում է ֆուտբոլային 9 կանոնավոր չափսերով խաղադաշտ որոնցից մեկն ունի արհեստական խոտածածկ, 4 թենիսի խաղադաշտ, լողավազաններ՝ բացօթյա և փակ, մարզադահլիճ, ֆիթնես կենտրոն, հյուրանոցային համալիր և այլ ծառայություններ։ 2013 թվականից, կենտրոնի տարածքում գործում է նաև Երևանի ֆուտբոլի ակադեմիայի մարզադաշտը։
Այժմ, կենտրոնը խոշորագույնն է Հարավային Կովկասում ու լավագույններից մեկը՝ Եվրոպայում[1]։
Աղբյուրներ խմբագրել
|
Սա Երևանի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |