Երկնային օվկիանոս

«Երկնային օվկիանոս» (նաև «երկնքի օվկիանոս »; չինարեն հեշտ. 海洋天堂 , պինին: Hǎiyáng Tiāntáng, անգլ.՝ Ocean Heaven) — դրամա, ռեժիսոր Սյուե Սյաոլ, ( չինարեն հեշտ. 薛晓路 , պինին: Xuē Xiǎolù) գլխավոր դերում՝ Ջետ Լի։ Ֆիլմի անոնսը եթեր է հեռարձակվել 2010 թվականի գարնանը, սակայն փաստացի ներկայացումը եղել է 2010 թվականի հունիսի 24-ին։

Երկնային օվկիանոս
Երկիր	Չինաստան
Ժանր	դրամա
Թեմա	աուտիզմ
Թվական	2010
Լեզու	հյուսիսային չինարեն
Ռեժիսոր	Սյուե Սյաոլու
Պրոդյուսեր	Ուիլյամ Կոն
Սցենարի հեղինակ	Սյուե Սյաոլու
Դերակատարներ	Ջեթ Լի, Վեն Չժան, Կվայ Լուն Մեյ, Zhu Yuanyuan?, Դուն Յուն, Գաո Յուանյուան, Yan Minqiu? և Յոն Մեյ
Օպերատոր	Քրիստոֆեր Դոյլ
Երաժշտություն	Ձյո Հիսաիսի
Տևողություն	96 րոպե

Սյուժե

Համաձայն Հիվանդությունների վերահսկման ամերիկյան կենտրոնների, յուրաքանչյուր 110 մարդկանցից մեկը ծնվում է աուտիզմի ախտորոշմամբ։ Այսինքն, Չինաստանում աուտիզմով տառապող ավելի քան 4 միլիոն մարդ է ապրում։ Դաֆուnն ( չինարեն հեշտ. 文章 , պինին: Wén Zhāng) նրանցից մեկն է. ցրված է, կրկնում է ուրիշների խոսքերը, լողում է զարմանալի հեշտությամբ, իր տանը պահպանում է բացարձակ կարգ ու կանոն, և, հավանաբար, չի գիտակցում, որ իր մայրը մահացել է մի քանի տարի առաջ։ Սամ Վոնգը (Jet Li) աշխատում է ակվարիումում և հոգ է տանում իր 21-ամյա որդու մասին։ Ի շնորհիվ մեծահոգի հարևանների և նրանց օգնությամբ այդ երկուսը միասին ապրում են երջանիկ։ Բոլոր դեպքերում հայրը գիտակցում էր, որ վերջ ի վերջո լքելու է այս աշխարհը, և թողնելու է տղային միայնակ, և գուցե, անսպսասելիորեն ավելի շուտ։ Այս ֆիլմը ներբող է մի հոր մասին, ով ցանկանում է իր տղայի համար գտնել հուսալի բնակավայր, քանի դեռ ուշ չէ։ Այս ընթացքում տղան հասնում է անկախության այնպիսի աստիճանի,  որն բավարար էր երկուսին էլ՝ առաջ շարժվելու համար։

Երգեր

• «Հրաժեշտ» (說了再見) — Ջեյ Չոու
• «Երկնային օվկիանոս» (海洋天堂) — Գույ Լունմեյ

Հետաքրքիր փաստեր

• Ջետ Լին գումար չի վաստակել այս ֆիլմի նկարահանումներից։
• Սա առաջին ֆիլմն է, որտեղ Ջետ Լին չի ներկայացրել արևելյան մարտարվեստը։