Վիքիպեդիա

Երեք օր մինչև գարուն

«Երեք օր մինչև գարուն» (ռուս.՝ «Три дня до весны»), ռուսական ֆիլմ՝ նկարահանված ռեժիսոր Ալեքսանդր Կասատկինի կողմից։ Վարձույթի է հանվել 2017 թվականի մայիսի 4-ին՝ նվիրվելով Հաղթանակի օրվա 72-ամյակին[2]։

Երեք օր մինչև գարուն
ռուս.՝ Три дня до весны
Երկիր Ռուսաստան
Ժանրռազմական ֆիլմ
Թվական2017
Լեզուռուսերեն
ՊրոդյուսերԷդուարդ Պիչուգին
Սցենարի հեղինակԱլեքսանդր Պորոխովշիկով և Արկադի Վիսոցկի
ԴերակատարներԿիրիլ Պլետնյով, Եվգենի Սիդիխին, Յուրի Իցկով և Վլադիսլավ Աբաշին
ՕպերատորՌուսլան Գերասիմենկով
ԵրաժշտությունԱնտոն Լուբչենկո
ԿինոընկերությունԼենֆիլմ
Տևողություն100 րոպե
Շահույթ8 513 922 ₽[1]

Սյուժե խմբագրել

Ֆիլմը նվիրված է Լենինգրադի շրջափակման ամենադժվար շրջանին՝ 1942 թվականի բլոկադային առաջին ձմռանը, և պատմում է քաղաքը պաշտպանող մարդկանց սխրանքների մասին։ Պետանվտանգության սպա Անդրեևն ու երիտասարդ բժիշկ Մարիցկայան գարնան գալուց 72 ժամ, այսինքն՝ երեք օր առաջ պետք է կանխեն աղետը։ Վտանգի է սպառնում մարդկանց կյանքին, իսկ հերոսներն իրենց ճանապարհին հանդիպում են սեր ու դավաճանություն, անցնում արագ զարգացող իրադարձությունների ու ինտրիգների միջով։

Դերերում խմբագրել

Նկարահանող անձնակազմ խմբագրել

  • Գլխավոր պրոդյուսեր – Էդուարդ Պիչուգին
  • Գործադիր պրոդյուսեր – Իրինա Բասկակովա
  • Ռեժիսոր – Ալեքսանդր Կասատկին
  • Սցենարիստներ – Արկադի Վիսոցկի, Ալեքսանդր Բորոդյանսկի
  • Բեմադրող օպերատոր – Ռուսլան Գերասիմենկով
  • Կոմպոզիտոր – Անտոն Լուբչենկո
  • Բեմադրող նկարիչ – Լեոնիդ Կարպով
  • Հագուստի նկարիչ – Տատյանա Վավիլովա
  • Գրիմի նկարիչ – Տոտյանա Կոմարովա
  • Գլխավոր խմբագիր – Սվետլանա Կարմալիտա

Նկարահանումներ խմբագրել

Ֆիլմի նկարահանումներն անցկացվել են 2016 թվականի հունվարից[3] մինչև մարտ[4] Սանկտ Պետերբուրգում, Կրոնշտադտում, Գատչինում և Լենինգրադի մարզի Վսևոլոժսկի շրջանում։

Նկարահանումների հիմնական վայրը եղել է Պետերբուրգի կենտրոնը՝ Դոստոևսկու, Պուշկինսկայա, Գալերնայա, Մեծ Պուշկինսկայա փողոցները, Կրյուկով ջրանցքն ու Ֆոնտանկայի առափնյան, Պետրոգրադյան կողմի Մեծ պողոտան ու Կամեննոոստրովսկի պողոտան, ինչպես նաև «Красный треугольник» գործարանի կիսավեր շենքը[5]։

Նկարահանումների անցկացման ևս մեկ վայր է դարձել նախկին զորամասի կադետական դատարկ մասնաշենքը Տուչկովի կամրջի մոտ, որտեղ բեմադրող նկարիչը ստեղծել է ղեկավարության գրասենյակները, փորձարարական բժշկության ինստիտուտի լաբորատորիաները և ՆԳԺԿ հանրակացարանը։ Գլխավոր հերոսուհու բնակարանը ներկայացվել է Ելիզարովների թանգարան-բնակարանում։ Մյուս օբյեկտներում՝ կոմունալ բնակարաններում, պետական հաստատություններում և դեղաբանության գիտահետազոտական ինստիտուտում կատարվող դեպքերը նկարահանվել են Սանկտ Պետերբուրգի լքված տներում[2]։

Մրցանակներ և անվանակարգեր խմբագրել

  • DetectiveFEST միջազգային կինոփառատոնի գլխավոր մրցանակ «Լավագույն դետեկտիվ» անվանակարգում[6]։
  • Նորամուտների «Շարժում» V ազգային կինոփառատոնի հիմնական մրցույթի մասնակից[7]։

Հետաքրքիր փաստեր խմբագրել

  • Ֆիլմի սցենարի հիմքում ընկած են որոշ փաստեր գրողներ Ալես Ադամովիչի և Դանիիլ Գրանինի «Բլոկադային գրքից»[8]։
  • Ֆիլմի սաունդթրեքը ձայնագրել է Մարիինյան թատրոնի սինֆոնիկ նվագախումբը[9]։
  • 2017 թվականի փետրվարին ֆիլմի երաժշտությունը կատարվել է Գերմանիայում Դրեզդենի XII օպերային պարահանդեսի հանդիսավոր բացման ժամանակ[10]։
  • Ֆիլմը նկարահանվել է Լենֆիլմ կինոստուդիայում[11]։
  • Ֆիլմն ունեցել է երեք աշխատանքային վերնագիր՝ «Լենինգրադյան վալս», «БлокАда» և «Блок А»[12]։
  • «Երեք օր մինչև գարուն» ֆիլմով սկիզբ է դրվել Լենֆիլմի՝ շրջափակման ժամանակաշրջանին վերաբերող եռագրությանը[13]։

Ծանոթագրություններ խմբագրել

  1. ↑ http://www.kinometro.ru/release/card/id/780
  2. ↑ 2,0 2,1 ««Ленфильм» выпустит новую картину «Три дня до весны» ко Дню Победы». ProfiCinema. 17 марта 2017.
  3. ↑ «Начались съёмки исторической драмы «Ленинградский вальс»». Год российского кино. 22 января 2016.
  4. ↑ «На «Ленфильме» завершились съёмки «БлокАды»». Кинобизнес. 05 апреля 2016.
  5. ↑ ««Ленфильм» выпустит новую картину «Три дня до весны» ко Дню Победы». Министерство культуры РФ. 27 марта 2017. Արխիվացված է օրիգինալից 2017 թ․ մարտի 30-ին.
  6. ↑ ««Три дня до весны» получил приз за «Лучший детектив» на DetectiveFEST». КиноАфиша. 21 апреля 2017.
  7. ↑ «Новые фильмы Оксаны Карас и Александра Касаткина – в программе 5-го фестиваля «Движение»». ПрофиСинема. 12 апреля 2017.
  8. ↑ ««Три дня до весны» выйдут ко Дню Победы». Кино-Театр. 19 марта 2017.
  9. ↑ «Оркестр Мариинского театра записал саундтрек к фильму о первых днях Блокады Ленинграда». ГТРК Санкт-Петербург. 9 июня 2016.
  10. ↑ «Фильм «Три дня до весны» киностудии «Ленфильм» выходит в прокат». Вокруг ТВ. 16 марта 2017.
  11. ↑ «Три дня до весны (2017)» (ռուսերեն). Վերցված է 2017 թ․ մայիսի 30-ին.
  12. ↑ «Три дня до весны (2017)» (ռուսերեն). Վերցված է 2017 թ․ մայիսի 30-ին.
  13. ↑ «Три дня до весны (2017)» (ռուսերեն). Վերցված է 2017 թ․ մայիսի 30-ին.
Ստացված է «https://hy.wikipedia.org/w/index.php?title=Երեք_օր_մինչև_գարուն&oldid=9720808» էջից