Ելիզավետա Դանիելյան

Վիքիպեդիայում կան հոդվածներ Դանիելյան ազգանունով այլ մարդկանց մասին։

Ելիզավետա Ռեմիկի Դանիելյան (ապրիլի 24, 1964(1964-04-24), Երևան), հայ իրավաբան, Հայաստանի վճռաբեկ դատարանի քրեական պալատի դատավոր։

Ելիզավետա Դանիելյան
Ծնվել է	ապրիլի 24, 1964(1964-04-24) (60 տարեկան)
Կրթություն	ԵՊՀ իրավաբանական ֆակուլտետ
Պարգևներ և մրցանակներ

Կրթություն

• 1981-1987 թթ. սովորել և հեռակա ուսուցմամբ ավարտել է ԵՊՀ իրավագիտության ֆակուլտետը։

Աշխատանքային գործունեությունը

• 1981-1984 թթ. - Երևանի 26 Կոմիսարների շրջանի ժողովրդական դատարանի թարգմանիչ։
• 1984-1989 թթ. - «Ավտոտեխսպասարկում» հանրապետական բազայի իրավախորհրդատու։
• 1989-1991 թթ. - Հայաստանի փաստաբանների կոլեգիայի անդամ, ավագ խորհրդատու, Հայաստանի առևտրի նախարարության Աբովյանի քաղաքի մասնաճյուղի փաստաբան։
• 1991-1999 թթ. - Երևանի Սպանդարյան շրջանի ժողովրդական դատարանի դատավոր։
• 1999-2009 թթ. - Երևան քաղաքի Աջափնյակ և Դավթաշեն համայնքների ընդհանուր իրավասության դատարանի նախագահ։
• Հայաստանի Նախագահի 2009 թվականի հունվարի 15-ի հրամանագրով նշանակվել է Հայաստանի վճռաբեկ դատարանի քրեական պալատի դատավոր՝ դադարեցնելով Հայաստանի Երևան քաղաքի Աջափնյակ և Դավթաշեն համայնքների ընդհանուր իրավասության դատարանի նախագահի լիազորությունները։

Պարգևներ

• Մխիթար Գոշի մեդալ (2011)։