Դիզել (շուն)
Դիզել (ֆր.՝ Diesel), Ֆրանսիայի ոստիկանության RAID ստորաբաժանման մալինուա բելգիական հովվաշուն, որը սատկել է Սեն Դենիում տեղի ունեցած հատուկ գործողության ժամանակ՝ Փարիզում ահաբեկչություններ կազմակերպած իսլամական ահաբեկիչներին բռնելու և ոչնչացնելու ժամանակ։ Դիզելը ծառայում էր տվյալ ստորաբաժանումում 5 տարի և դարձավ առաջին շունը, որը սատկեց պարտականությունները կատարելիս։ 2016 թվականի գարնանը պետք է թոշակի անցներ[1]։
| Դիզել | |
|---|---|
.jpg) | |
| Անվան բնօրինակ | Diesel |
| Տեսակ | շուն |
| Ցեղատեսակ | բելգիական հովվաշուն |
| Սեռ | էգ |
| Ծնվել է | մոտ 2008 |
| Սատկել է | նոյեմբերի 18, 2015 |
| Սատկելու վայր | Փարիզ |
| Երկիր |  Ֆրանսիա |
| Գործատու | Փարիզի ոստիկանություն |
| Տեր | Փարիզի ոստիկանություն |
| Մրցանակներ |  |
2015 թվականի նոյեմբերի 18-ին Դիզելը սատկեց Փարիզի Սեն Դենի արվարձանում ընթացող հատուկ գործողության ժամանակ, երբ փնտրում էր զանգվածային սպանություններ կատարելու մեջ կասկածվող հանցագործներին[2]․ մի շենքի վերին հարկը հետախուզելիս Դիզելը սատկեց մահապարտի գոտու պայթյունից։ Փարիզի ոստիկանության ղեկավարությունը պատվեց Դիզելին՝ ցուցաբերած խիզախության համար․ Le Parisien թերթը հաղորդեց, որ շունն իր կյանքի գնով փրկել է տիրոջը[3]։
Հետմահու խմբագրել
Սոցիալական կայքերում շատ օգտատերեր ցավակցություն հայտնեցին Փարիզի ոստիկանությանը Դիզելի մահվան կապակցությամբ՝ հաղորդագրություններ թողնելով #JeSuisDiesel կամ #JeSuisChien հեշթեգերով։
Ռուսաստանի արտաքին գործերի նախարարությունը ի նշան երախտագիտության Ֆրանսիայի ներքին գործերի նախարարությանը փոխանցեց գերմանական հովվաշան ձագ՝ Դոբրինիա անվամբ, որը պետք է փոխարինի Դիզելին[3][4]։
Բրիտանական PDSA բարեգործական կազմակերպությունը, որը սահմանել է Մարիա Դիկինի մեդալը, 2015 թվականի դեկտեմբերի 28-ին հայտարարեց սատկած հովվաշանը հետմահու տվյալ մեդալով պարգևատրելու մասին, որը կենդանիների բարձրագույն բրիտանական մրցանակն է։ Դիզելը 30-րդ շունն է, որը պարգևատրվել է Մարիա Դիկինի մեդալով[5]։
Ծանոթագրություններ խմբագրել
- ↑ Willsher, Kim (2015 թ․ նոյեմբերի 22). «Diesel, French police dog killed in St-Denis raid, was due to retire». The Guardian. Վերցված է 2015 թ․ նոյեմբերի 25-ին.
- ↑ «Counter-terrorism police dog Diesel died in Saint-Denis operation», The Irish Times (18 November 2015).
- ↑ 3,0 3,1 «Russia sends police puppy to France to replace Diesel». 2015 թ․ նոյեմբերի 21.
- ↑ Щенок Добрыня отправится во Францию, чтобы заменить погибшую при спецоперации овчарку Дизель (ռուս.)
- ↑ Погибшую при спецоперации в Париже овчарку удостоили высшей британской награды для животных (ռուս.)