Դիեգո Լերման

Դիեգո Լերման (մարտի 24, 1976(1976-03-24), Բուենոս Այրես, Արգենտինա), արգենտինացի ռեժիսոր, պրոդյուսեր, սցենարիստ։

Դիեգո Լերման Diego Lerman
Ծնվել է	մարտի 24, 1976 (47 տարեկան)
Ծննդավայր	Բուենոս Այրես
Կրթություն	Բուենոս Այրեսի համալսարան
Քաղաքացիություն	Արգենտինա
Ազգություն	արգենտինացի
Մասնագիտացում	կինոռեժիսոր և սցենարիստ
IMDb	ID 1195308

Կենսագրություն

Դիեգո Լերմանն ծնվել է 1976 թվականին Բուենոս Այրեսում։ Ավարտել է Բուենոս Այրեսի համալսարանի կինոռեժիսուրայի ֆակուլտետը և դրամատիկ արվեստի մունիցիպալ դպրոցը։ Սովորել է նաև Սան Անտոնիո դե լոս Բանյոսի կուբայական կինոդպրոցում։ Կաննի միջազգային կինոփառատոնի կրթաթոշակով (2002) 5 ամիս աշխատել է ֆարիզյան կինոֆոնդում՝ ստեղծելով «Նույն այդ ժամանակ» ֆիլմը, որի պրեմիերան կայացել է Վենետիկի միջազգային կինոփառատոնում 2006 թվականին։

2002 թվականին համահեղինակել, նկարահանել և թողարկել է«Հանկարծ» լիամետրաժ խաղարկային ֆիլմը, որը բազմաթիվ մրցանակների է արժանացել միջազգային կինոփառատոններում, այդ թվում՝ Լոկառնոյի «Արծաթե ընձառյուծ մրցանակին»։ 2008 թվականին Նիկոլաս Ավրուխի հետ հիմնել է Campo Cine սեփական պրոդյուսերական ընկերությունը։ 2009 թվականին «Անտեսանելի աչքը» արժանացել է Սանդենսի միջազգային կինոփառատոնի Լատինական Ամերիկայի համար սահմանված NHK-ի մրցանակին։

Ֆիլմագրություն

Ֆիլմ	Բնօրինակ անվանում	Տարի
Փորձ	La Prueba	1999
Հանկարծ	Tan de repente	2002
Գիմնազիաների պատերազմը	La Guerra de los gimnasios	2005
Նույն այդ ժամանակ	Mientras tanto	2006
Անտեսանելի աչքը	La mirada invisible	2010

Արտաքին հղումներ

• Diego Lerman Internet Movie Database կայքում
• Diego Lerman, allmovie.com
• Diego Lerman