Գուտացիա (լատին․՝ gutta — կաթիլ), ջրի կաթիլների արտազատումը բույսերի տերևներից։ Կատարվում է ջրային հերձանցքներով, արմատային ճնշման տակ։ Դիտվում է մեծ մասամբ գիշերը, վաղ առավոտյան, հատկապես խոնավ եղանակին, երբ արմատները ավելի շատ ջուր են կլանում, քան տերևները կարող են գոլորշիացնել։ Ջրի հետ արտազատվում ևն հանքային որոշ նյութեր, և բույսն ազատվում է աղերի ավելցուկից, հիմնականում՝ կալցիումից։

Գուտացիա
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 255