Գոմաձոր (Բասենի գավառ)

Գոմաձոր, գյուղ Արևմտյան Հայաստանում, Էրզրումի վիլայեթի Բասենի գավառակում։ Գտնվում էր Խորասան գյուղաքաղաքից հարավ-արևմուտք, Ամրագոմ գյուղի մոտ, Արաքսի աջ կողմի վտակներից մեկի ափին, Հասանկալա-Բայազետ ճանապարհի վրա։

Գյուղ
Գոմաձոր
Վարչական տարածք	Արևմտյան Հայաստան
Վիլայեթ	Էրզրումի վիլայեթԷրզրումի վիլայեթ
Գավառակ	Բասենի գավառակ
Այլ անվանումներ	Գոմձոր, Կամացոր, Կոմաձոր, Կոմացոր
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3
Գոմաձոր (Բասենի գավառ) (Աշխարհ)

Պատմություն

Գյուղի մասին որպես գյուղաքաղաք հիշատակել է Ստեփանոս Ասողիկը (XI դար) 830-ական թվականներին բյուզանդական կայրս Թեոփիլոսի արշավանքների հետ կապված։

1914-1915 թվականների Մեծ եղեռնի ժամանակ գյուղի բնակչության մեծամասնությունը կոտորվեց։ Կենդանի մնացածները գաղթեցին Արևելյան Հայաստան։

Բնակչություն

1877-1878 թվականներին ուներ 72 տուն՝ 436 բնակչով, 1909 թվականին՝ 160 տուն, իսկ 1914 թվականին՝ 200 տուն հայ բնակիչ։

Տնտեսություն

Բնակչության հիմնական զբաղմունքը երկրագործությունն էր։ Մասնակի զբաղվում էին նաև արհեստներով։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 151)։