Գենադի Ալեքսանդրով
Գենադի Ալեքսանդրով (ռուս.՝ Геннадий Сергеевич Александров, ապրիլի 9, 1937, Դուշանբե, Տաջիկական ԽՍՀ, ԽՍՀՄ), խորհրդային կոմպոզիտոր[1], վեց սիմֆոնիաների, երկու բալետի և ավելի քան 20 ֆիլմերի երաժշտությունների հեղինակ[2][3]։
Գենադի Ալեքսանդրով | |
---|---|
Ծնվել է | ապրիլի 9, 1937 (87 տարեկան) Դուշանբե, Տաջիկական ԽՍՀ, ԽՍՀՄ |
Երկիր | ԽՍՀՄ և ԱՄՆ |
Մասնագիտություն | կոմպոզիտոր և ֆիլմերի երաժշտությունների հեղինակ |
Կենսագրություն խմբագրել
1961 թվականին ավարտել է Սամարղանդի երաժշտական ուսումնարանի երաժշտավարաերգչախմբային բաժինը։
Աշխատել է Դուշանբեի Տ. Շևչենկոյի անվան մանկավարժական ինստիտուտի արվեստի ֆակուլտետի տեսական առարկաների բաժնում` որպես ավագ դասախոս։ Որպես կոմպոզիտոր հիմնական աշխատանքների շարքում են «Ոսկե եղջերու» բալետը (1969), «Խաղաղություն ներս մտնողին» կանտատան (երգչախմբի և նվագախմբի համար, 1964), երեք սիմֆոնիա նվագախմբի համար (1967, 1969 և 1971), «Երկրի վերածնունդ» սիմֆոնիկ բանաստեղծությունը (1971), բալետի շարերգը (1970), համերգ ռուբաբի և նվագախմբի համար (1971), լարային քառյակ (1963), շարերգ ակորդեոնիստների նվագախմբի համար (1967), շարերգ ժողովրդական գործիքների համար (1967), երաժշտություն թատրոնի և կինոյի, ռոմանսների համար[4]։ Նաև բազմաթիվ ստեղծագործություններ է գրել կրկեսի համար[5]։
Լավ հայտնի են Գենադի Ալեքսանդրովի երգերը «Շահերեզադեի նոր հեքիաթները» և «Ջուրան` որսորդը Մին-Արխարից» ֆիլմերից[2][6]։ 1991 թվականին առաջին անգամ հանդես է եկել որպես ռեժիսոր` նկարահանելով «Փոքրիկ վրիժառուն» լիամետրաժ ֆիլմը[1], որն ընդգրկվել է Մոսկվայի «Чистые пруды» միջազգային կինոփառատոնում[5]։
Գենադի Ալեքսանդրովը մեկնել է մասնակցելու փառատոնին և մնացել է Մոսկվայում, երկու տարի ապրել և աշխատել է Ռուսաստանում։ Եղել է Կինոգործիչների միության, Կոմպոզիտորների միության անդամ, Երաժշտական ֆոնդի գլխավոր տնօրենի տեղակալ, ապա` Ռուսաստանի կոմպոզիտորների ստեղծագործական տան տնօրեն։ 1993 թվականից ապրում է ԱՄՆ-ում, Արիզոնա նահանգի Ֆինիքս քաղաքում[5]։
Ֆիլմագրություն խմբագրել
Կոմպոզիտոր խմբագրել
- 1972 - «Հաբիբը` օձերի տիրական»
- 1973 - «Լեռնային կայան»
- 1974 - «Մի կյանքը քիչ է»
- 1977 - «Պաշարում»
- 1977 - «Նասրեդինի առաջին սերը»
- 1979 - «Քեզ համար անցյալ ցանկացիր»
- 1980 - «Ոսկե սլաքը»
- 1981 - «Նետում»
- 1981 - «Խաղաղություն ձեր տանը»
- 1983 - «Պատանդը»
- 1984 - «Ընկերներին չեն դավաճանում»
- 1984 - «Շահերեզադեի ևս մեկ գիշերը»
- 1985 - «Ես նրան դուր եմ գալիս»
- 1986 - «Ինչպես էր կատուն մկների դեմ պայքարում» (մուլտֆիլմ)
- 1984 - «Շահերազադեի նոր հեքիաթները»
- 1987 - «Ջուրան` որսորդը Մին-Արխարից»
- 1987 - «Մեղքերի թողություն»
- 1987 - «Շահերազադեի վերջին գիշերը»
- 1987 - «Դեպք օդանավակայանում»
- 1987 - «Մուշտակ ամպիկի համար» (մուլտֆիլմ)
- 1988 - «Հայացք»
- 1988 - «Թանկագին Ելենա Սերգեևնա»
- 1989 - «Բնակարան»
- 1991 - «Փոքրիկ վրեժառուն»
- 1992 - «Զրպարտություն»
- 1993 - «Մարգարեի վրեժը»[1][3]
Ռեժիսոր խմբագրել
1991 - «Փոքրիկ վրիժառուն»[1]։
Ծանոթագրություններ խմբագրել
- ↑ 1,0 1,1 1,2 1,3 Мегаэнциклопедия Кирилла и Мефодия: ГЕННАДИЙ АЛЕКСАНДРОВ
- ↑ 2,0 2,1 «Композитор Геннадий Александров о любви». Արխիվացված է օրիգինալից 2019 թ․ մարտի 27-ին. Վերցված է 2019 թ․ հունվարի 10-ին.
- ↑ 3,0 3,1 Геннадий Александров на сайте www.biografija.ru
- ↑ Большая биографическая энциклопедия: Геннадий Александров
- ↑ 5,0 5,1 5,2 Геннадий Александров: «Пока я - жив, моя песня будет жить»
- ↑ Геннадий Александров: «Я до сих пор вижу сны про Таджикистан и говорю во сне по-таджикски»
Արտաքին հղումներ խմբագրել
- Мегаэнциклопедия Кирилла и Мефодия: ГЕННАДИЙ АЛЕКСАНДРОВ
- Геннадий Александров на сайте www.biografija.ru
- Большая биографическая энциклопедия: Геннадий Александров
- Геннадий Александров: «Пока я - жив, моя песня будет жить»
- Геннадий Александров: «Я до сих пор вижу сны про Таджикистан и говорю во сне по-таджикски» Արխիվացված 2017-04-10 Wayback Machine