Գեղատեսիլ կամուրջ
Գեղատեսիլ կամուրջ Մոսկվայում (ռուս.՝ Живописный Мост), կախովի կամուրջ Մոսկվա գետի վրա, տեղակայված է Մոսկվայի արևմուտքում և հանդիսանում է Կրասնոպրեսնինսկի (Մարշալ Ժուկովի պողոտա) պողոտայի մասը։ Կամուրջը բացվել և գործարկվել է 2007 թվականի հոկտեմբերի 27-ին։
Գեղատեսիլ կամուրջ Живописный мост | |
---|---|
Երկիր | Ռուսաստան |
Տեղանք | Մոսկվա |
Տեսակ | պողպատե կամուրջ, ճանապարհային կամուրջ և կայմապարաններային կամուրջ |
Նյութ | երկաթբետոն |
Հատում է | Մոսկվա գետը |
Կառուցվել է | 2007 |
Ճարտարապետ | Nikolay Shumakov? |
Երկարություն | 1460 |
Լայնություն | 37 |
Բարձրություն | 105 |
Երթևեկելի մասի բարձրությունը ջրից | 30 |
Բացման տարեթիվ | 2007 |
Կամրջի կառուցվածքը
խմբագրելԳեղատեսիլ կամուրջը Ռուսաստանի ամենագեղեցիկ կամուրջներից մեկն է և հանդիսանում է ամենաբարձր ճոպանային կամուրջը Եվրոպայում։ Սա ինժեներիայի իսկական հրաշք է և պատկանում է Մոսկվայի ամենատեսարժան 50 վայրերին։ Այս կամրջի յուրահատկությունը կայանում է նրա կառուցվածքում - այն կառուցված է եզակի նախագծով` իր մեջ միավորում է կամարավոր և ճոպանավոր կամուրջների կառուցվածքային հատկանիշները։ Կամրջի հենասյունը ունի կամարաձև կառուցվածք` կայմապարանների (ճոպանների) հովհարաձև դասավորությամբ, որոնք գցված են գետի մի ափից մյուսը։ Կամուրջը Մոսկվա գետը հատում է սուր անկյան տակ։ Կամրջի 2 կողմերի երկայնքով տեղադրված են խլացուցիչ էկրաններ։ Կամարի վերևի մասում կառուցված է դիտահարթակ - էլիպսի ձև ունեցող ռեստորան (ռեստորանի և հարթակի բացումը պլանավորված էր 2009 թվականի վերջում[1]։ Միջոցների անբավարար լինելու պատճառով 2009 թվականի մարտին ռեստորանի շինարարությունը անորոշ ժամանակով դադարեցվել էր և աշխատանքները ավարտելու համար փնտրվում էր մասնավոր ներդրող։ Կամրջի երկարությունը 1460 մ է, լայնությունը` 37 մ։ Կամարի բարձրությունը 105 մ է, ճոպանների քանակը` 722, կամրջի երթևեկելի մասից մինչև ջրի մակերևույթը` 30 մ։ Դիտահարթակի երկարությունը 33 մ է, լայնությունը` 24 մ, իսկ բարձրությունը` 13 մ։
Տեսահարթակի կառուցվածք
խմբագրել2011 թվականին կամուրջի դիտահարթակի վրա ռեստորան կառուցելուց հրաժարվելու որոշում է ընդունվել, և որոշվել է դիտահարթակի վրա տեղակայել Մոսկվայի ԶԱԳՍ-ը։ Իր ձևով ԶԱԳՍ - ը հիշեցնում է «թռչող ափսե», որը կամրջի վրա տեղավորված է գետնից 100 մ բարձրության վրա։ Այն ունի 2 դահլիճ։ Գլխավոր դահլիճը գտնվում է կախովի կառույցի վրա և ունի դեպի Մոսկվա գետը նայող դիտահարթակ, իսկ երկրորդը գտնվում է գետնի վրա։ Նորապսակները և հյուրերը ԶԱԳՍ - ի գլխավոր շենք գնալու համար օգտվում են վերելակից։ ԶԱԳՍ - ի մոտ կա նաև ոչ մեծ և գեղեցիկ զբոսայգի` սիրահարների ծառուղով, որի մոտակայքում տեղակայված է 75 տեղանոց ավտոկայանատեղի։
Պատկերասրահ
խմբագրել-
Դիտահարթակը ներքևից
-
Կամուրջը 2011 թվականին
-
Կամուրջը 2012 թվականին
Ծանոթագրություններ
խմբագրել- ↑ 2009 года с Живописного моста можно будет любоваться Москвой, Domex (12 ноября 2008).
Գրականություն
խմբագրել- Подъём смотровой площадки ресторана с ипользованием высокопрочных канатов и домкратов // Вестник мостостроения. — 2008. — № 1. — С. 2-5. Архивировано из первоисточника 16 Մայիսի 2018.
Արտաքին հղումներ
խմբագրել- «Живописный мост» на сайте Roads.ru Արխիվացված 2018-10-16 Wayback Machine
- Мост вдоль Москвы-реки
- Модель моста на испытательном стенде ОАО ЦНИИС Արխիվացված 2016-05-13 Wayback Machine
- «Живописный мост» на сайте ОАО «Гипротрансмост» Արխիվացված 2010-10-31 Wayback Machine
- «Живописный мост» на сайте ООО "НПО «Мостовик» Արխիվացված 2013-05-14 Wayback Machine
- Ежедневно обновляемые фото моста из Instagram
- Фото и подробное расположение моста Արխիվացված 2017-06-21 Wayback Machine
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Գեղատեսիլ կամուրջ կատեգորիայում։ |