Գագիկ Մխոյան
Գագիկ Գնունու Մխոյան (ապրիլի 26, 1950, Երևան, Հայկական ԽՍՀ, ԽՍՀՄ - փետրվարի 16, 2009[1]), հայ անեսթեզիոլոգ-ռեանիմատոլոգ։ Բժշկական գիտությունների դոկտոր (1995), պրոֆեսոր (2003): Հայաստանի Հանրապետության վաստակավոր բժիշկ (2008)[2]:
Ծնվել է | ապրիլի 26, 1950 |
---|---|
Ծննդավայր | Երևան, Հայկական ԽՍՀ, ԽՍՀՄ |
Մահացել է | փետրվարի 16, 2009 (58 տարեկան) |
Քաղաքացիություն | ԽՍՀՄ և Հայաստան |
Կրթություն | Երևանի Մխիթար Հերացու անվան Պետական Բժշկական Համալսարան (1974) |
Մասնագիտություն | անեսթեզիոլոգ |
Կոչում | պրոֆեսոր |
Գիտական աստիճան | բժշկական գիտությունների դոկտոր (1995) |
Պարգևներ |
Կենսագրություն
խմբագրելԳագիկ Մխոյանը ծնվել է 1950 թվականի ապրիլի 26-ին, Երևանում։ 1967 թվականին ավարտել է Երևանի թիվ 74 միջնակարգ դպրոցը։ 1968 թվականին ընդունվել է Երևանի պետական բժշկական ինստիտուտի բուժական ֆակուլտետը, որն ավարտել է 1974 թվականին։ 1974-1975 թվականներին անցել է ինտերնատուրա Երևանի թիվ 2 կլինիկական ծննդատանը։ Սկսած ուսանողական տարիներից հետաքրքրվել ր ուսումնասիրել է անէսթեզիոլոգիայի և ռեանիմատոլոգիայի ոլորտները։ Ուսմանը զուգահետ, որպես անէսթեզիստ, աշխատել է Երևանի թիվ 2 կլինիկական ծննդատանը։ 1975 թվականից, որպես անէսթեզիոլոգ-ռեանիմատոլոգ, աշխատել է ԽՍՀՄ Համամիութենական կլինիկական և փորձարարական վիրաբուժության գիտահետազոտական ինստիտուտի (ՀԿՓՎԳՀԻ) Երևանի մասնաճյուղում։ 1978 թվականին ինստիտուտի կողմից գործուղվել է սովորելու Մոսկվայի ՀԿՓՎԳՀԻ-ի անէսթեզիոլոգիայի և ռեանիմատոլոգիայի բաժին կլինիկական օրդինատուրայում, ապա՝ ասպիրանտուրայում։ 1983 թվականին հաջողությամբ պաշտպանել է թեկնածուական թեզը և վերադարձել Հայաստան և որպես անէսթեզիոլոգ-ռեանիմատոլոգ շարունակել աշխատանքը ՀԿՓՎԳՀԻ-ի Երևանի մասնաճյուղում։ 1986-1991 թվականներին եղել է «Էրեբունի» ԲԿ անեսթեզիոլոգիայի բաժանմունքի վարիչ, 1991-1999 թվականներին՝ անեսթեզիոլոգիայի, ինտենսիվ բուժման և վերակենդանացման բաժանմունքների վարիչ, 1999 թվականից՝ անեսթեզիոլոգիայի, ինտենսիվ բուժման և անհետաձգելի բուժօգնության կլինիկայի ղեկավար, միաժամանակ՝ ԵՊԲՀ վիրաբուժական հիվանդությունների համար 1 ամբիոնի վարիչ[3]։ 1995 թվականին պաշտպանում է դոկտորական թեզը Էնդոգեն թունավորումները վիրաբուժական հիվանդությունների ժամանակ թեմայով, իսկ 2003 թվականին ստացել է պրոֆեսորի կոչում։ 2004 թվականին նշանակվել է ՀՀ առողջապահության նախարարության գլխավոր անէսթեզիոլոգ-ռեանիմատոլոգ։ 2008 թվականին արժանացել է Հայաստանի Հանրապետության վաստակավոր բժիշկ պատվավոր կոչոմանը։
Աշխատանքները վերաբերում են շնչափողահատման, շնչափողի ինտուբացիայի, սիրտ-թոքային վերակենդանացման, արյան փոխներարկման ժամանակակից խնդիրներին։ Հեղինակ է մեթոդական ձեռնարկների։ Հեղինակ է շուրջ 160 գիտական աշխատանքի[3]։
Պարգևներ
խմբագրել- «Դրաստամատ Կանայան» մեդալ (2006)
- Հայաստանի Հանրապետության վաստակավոր բժիշկ (2008)
Անդամակցություն
խմբագրել- ՀՀ անէսթեզիոլոգների և ռեանիմատոլոգների միության նախագահ (1996 թվականից)։
- ՀՀ գլխավոր անէսթեզիոլոգ և ռեանիմատոլոգ (1998 թվականից)։
- ՀՀ անէսթեզիոլոգիայի և ինտենսիվ թերապիայի եվրոպական միությունների անդամ։
Երկեր
խմբագրել- Անեսթեզիոլոգիա, ինտենսիվ թերապիա և անհետաձգելի բժշկություն։ Մեթոդական ձեռնարկ, Մխոյան Գ. Գ, Եղիազարյան Մ. Ի., Երևանի պետական բժշկական համալսարան, Երևան, ԵՊԲՀ հրատարակչություն, 2010[4]։
- Ինֆուզիոն թերապիայի ժամանակակից մոտեցումները, Երևան, 2004։
- Փաստաթղթավարումն անեսթեզիոլոգիայում և ինտենսիվ թերապիայում։ Ուսումնա-մեթոդական ձեռնարկ։ Մխոյան Գագիկ Գ, Վարոսյան Արմեն Ֆ., Մ. Հերացու անվան Երևանի պետական բժշկական համալսարան, Անեսթեզիոլոգիայի և ինտենսիվ թերապիայի ամբիոն, Հայաստանի անեսթեզիոլոգների և ռեանիմատոլոգների միություն, Երևան, «Աստղիկ գրատուն», 2004[5]։
- Արյան փոխներարկման ժամանակակից խնդիրները, Երևան, 2002։
- Սիրտ-թոքային վերակենդանացում, Երևան, 2001։
- Շնչափողի ինտուբացիա, Երևան, 2001։
- Անեզթեզիոլոգիայի և ինտենսիվ թերապիայի արձանագրերն ու հիմունքները։ Ձեռնարկ, ՀՀ Անեսթեզիոլոգների և Ռեանիմատոլոգների Միություն, Մխիթար Հերացու անվան Երևանի Պետական Բժշկական Համալսարան, Անզգայացման, ինտենսիվ թերապիայի և վերակենդանացման ամբիոն, Երևան, «Հայաստան», 1999[6]։
Ծանոթագրություններ
խմբագրել- ↑ LLC, Helix Consulting. «Կյանքից հեռացել է պրոֆեսոր Գագիկ Գնունու Մխոյանը - Այսօր` թարմ լուրեր Հայաստանից». www.aysor.am (անգլերեն). Վերցված է 2019 թ․ ապրիլի 30-ին.
- ↑ «ՊԱՐԳԵՎԱՏՐԵՑ ԲԺԻՇԿՆԵՐԻՆ». A1Plus. Վերցված է 2019 թ․ ապրիլի 30-ին.
- ↑ 3,0 3,1 Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 141։
- ↑ Մխոյան, Գ Գ; Եղիազարյան, Մ Ի (2010). Անեսթեզիոլոգիա, ինտենսիվ թերապիա և անհետաձգելի բժշկություն։ Մեթոդական ձեռնարկ. Երևանի պետական բժշկական համալսարան Մ.Հերացու անվ. Երևան: ԵՊԲՀ հրատ. ISBN 9789939650104.
- ↑ Մխոյան, Գագիկ Գ; Վարոսյան, Արմեն Ֆ (2004). Փաստաթղթավարումն անեսթեզիոլոգիայում և ինտենսիվ թերապիայում։ Ուսումնա-մեթոդական ձեռնարկ. Մ. Հերացու անվան Երևանի պետական բժշկական համալսարան, Հայաստանի անեսթեզիոլոգների և ռեանիմատոլոգների միություն. Երևան: Աստղիկ գրատուն. ISBN 9789994192731.
- ↑ Մխոյան, Գ Գ (1999). Անեզթեզիոլոգիայի և ինտենսիվ թերապիայի արձանագրերն ու հիմունքները ։ Ձեռնարկ. ՀՀ Անեսթեզիոլոգների և Ռեանիմատոլոգների Միություն, Մխիթար Հերացու անվան Երևանի Պետական Բժշկական Համալսարան. Երևան: Հայաստան. ISBN 9785540017138.