Բոգդան Միլգաուզենի տուն
Բոգդան Միլգաուզենի տուն (ռուս.՝ Дом Богдана Мильгаузена), շենք-տեսարժանություն Մոսկվայում (Ռուսաստան)։
 | |
|---|---|
 | |
| Տեսակ | տեսարժան վայր, շենք և ճարտարապետական հուշարձան |
| Երկիր |  Ռուսաստան |
| Տեղագրություն | Տագանսկի շրջան |
| Ճարտարապետական ոճ | կլասիցիզմ |
| Առաջին հիշատակում | 17-րդ դար |
| Ժառանգության կարգավիճակ | Ռուսաստանի դաշնային մշակութային ժառանգության օբյեկտ[1] |
 | |
 | |
Հասցեն` Մոսկվա, Տագանսկի շրջան, Կենտրոնական վարչական շրջան, Գոնչարնայա փողոց, տուն 2։
Շենքը պահպանվում է որպես Ռուսաստանի մշակութային ժառանգության օբյեկտ (գրանցման համար` 7735707000)[2]։ Շենքը նաև Մոսկվայի մշակութային ժառանգության օբյեկտ է (գրանցման համար` 2955744)[3]
Պատմություն
խմբագրելՇենքը կառուցվել է XVIII դարի վերջին - XIX դարի սկզբին` նախապետրոսյան ապարանքի տեղում[4] [5]։ Պատմաբան Տիմոֆեյ Նիկոլաևիչ Գրանովսկու աները` բժիշկ Բոգդան Կառլովիչ Միլգաուզենը, այդ տան սեփականատերն էր XIX դարի սկզբին[6]։
Գոնչարնայա փողոցը, որտեղ կանգնած է Բոգդան Միլգաուզենի տունը, 1922-1992 թվականներին կոչվել է Վոլոդարսկու փողոց, մինչև 1918 թվականն ընդգրկում էր նաև Շվիվայա գորկա փողոցը[7]։
Ճարտարապետություն
խմբագրելԳմբեթային ռոտոնդայով անկյունային շենքն ունի XIX դարի կլասիցիզմին բնորոշ հատկանիշներ։ Տեղանքի ռելիեֆի պատճառով շենքն ունի կիսանկուղային հարկ, ինչը տեսողականորեն մեծացնում է ռոտոնդայի բարձրությունը։ Ռոտոնդայի պատերը մշակված են որմնասյուներով։ Ռոտոնդայի պատուհանները բարձր են, երկրորդ հարկում` ձգված համամասնություններով, իսկ երրորդ հարկում` փոքր քառակուսի։ Շենքի հիմնական ծավալի երրորդ հարկում կան ռոտոնդան եզրակալող եռամաս պատուհաններով հարթ կիսաշրջանաձև խորշեր[4]։
Ծանոթագրություններ
խմբագրել- ↑ Постановление Совета Министров РСФСР № 1327 от 30.08.1960
- ↑ «Дом Б.К. Мильгаузена».
- ↑ «Дом, XVIII-XIХ вв., с палатами XVII в.». Արխիվացված է օրիգինալից 2017 թ․ մարտի 16-ին. Վերցված է 2018 թ․ հուլիսի 4-ին.
- ↑ 4,0 4,1 «Дом Б.К. Мильгаузена». Վերցված է 2016 թ․ հունվարի 4-ին.
- ↑ «Городская усадьба Б.К. Мильгаузена». Արխիվացված է օրիգինալից 2011 թ․ օգոստոսի 18-ին. Վերցված է 2015 թ․ մայիսի 30-ին.
- ↑ «Летопись Русской Усадьбы». Վերցված է 2015 թ․ մայիսի 30-ին.
- ↑ «Гончарная улица». Արխիվացված է օրիգինալից 2017 թ․ սեպտեմբերի 13-ին. Վերցված է 2018 թ․ հուլիսի 4-ին.