Բնական հնչյունաշար
Բնական հնչյունաշար, հնչյունը կազմավորող մասնակի տոների (հիմնական տոնի և նրա օբերտոնների) շարքը։ Բնական հնչյունաշարում մասնակի տոների բարձրությունները միմյանց հարաբերվում են ըստ թվերի բնական շարքի (1, 2, 3, 4, 5 և այլն)։ Բնական հնչյունաշարի ստորին, լսողական ընկալման համար առավել մատչելի մասնակի տոները (մինչև 6-րդը ներառյալ) կազմում են մաժոր եռահնչյուն։ Բնական հնչյունաշար երևույթը էական դեր է կատարում երաժշտական հնչյունի տեմբրի ձևավորման մեջ, փողային գործիքների նվագում (ստորին մասնակի տոները արտաբերվում են առանց խողովակի երկարությունը փոխելու), ինչպես նաև լարային գործիքների նվագում։
![](http://upload.wikimedia.org/wikipedia/commons/thumb/6/69/Natscale.jpg/400px-Natscale.jpg)
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 490)։ ![]() |