Բյուզանդ Տեր-Պապյան

Բյուզանդ Տեր-Պապյան (կամ Տերպապյան, Տեր-Պապիկյան, 1890, Սեբաստիա - 1915), հայ դեղագործ։

Բյուզանդ Տեր-Պապյան
Ծնվել է	1890
Ծննդավայր	Սեբաստիա
Մահացել է	1915
Մահվան պատճառ	Հայոց ցեղասպանություն
Մասնագիտություն	բժիշկ

Կենսագրություն

Ծնվել է 1890 թվականին Սեբաստիայի նահանգի կենտրոն Սեբաստիա քաղաքում։ 1912 թվականին ավարտել է Կ. Պոլ­սի Օսմանյան դեղագործական վարժարանը։ Դեղագործ է աշխատել։

1914 թվականին՝ Առաջին համաշխարհային պատերազմի ժամանակ, զորակոչվել է օսմանյան բանակ և զինվորական դեղագործ ծառայել։ Սպանվել է 1915 թվականին Սեբաստիայի նահանգի Շապին Կարահիսարի գավառի Էնդիրես ավանում՝ 25 տարեկանում։

Աղբյուր

• Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։

Գրականություն

• Հայ բժշկութեան տուած զոհերը, ցուցակագրուած վաւերական փաստերով, Կ. Պոլիս, 1919։
• Յուշամատեան Մեծ Եղեռնի (1915-1965), պատրաստեց Գերսամ Ահարոնեան, Պէյրութ, 1965։
• Թէոդիկ, Յուշարձան նահատակ մտաւորականութեան, Բ. տպագրութիւն, Երեւան, ապրիլ 24, 1985։
• Հայրապետյան Վանիկ, Էջեր Հայաստանի դեղագործության պատմությունից, Երևան, 1990։
• Յարման Արսեն, Հայերը օսմանյան առողջապահության ծառայության մեջ և պատմություն սուրբ Փրկիչ հայոց հիվանդանոցի (թուրքերեն), Ստամբուլ, 2001։
• Խաչատրյան Լուսինե և Բաբլումյան Արփինե (կազմողներ), Ցուցակ հայոց ցեղասպանության զոհերի (1915-1923), գիրք 1, Սեբաստիայի նահանգ, Երևան, 2004։