Բարոնովկա (Տագանրոգ)
Բարոնովկա (ռուս.՝ Бароновка), պատմական շրջան Ռուսաստանի Դաշնության Ռոստովի մարզի Տագանրոգ քաղաքում։
Բարոնովկա ռուս.՝ Бароновка | |
---|---|
Երկիր | Ռուսաստան |
Կարգավիճակ | պատմական թաղամաս |
Մտնում է | Տագանրոգ |
Աշխարհագրություն խմբագրել
Բարոնովկա շրջանը տեղակայված էր Բոլշայա Չերեպախա գետի հունի երկայնքով, գետաբերանում։ Տագանրոգի Ժամանակակից տոպոլոգիայով այդ շրջանը պայմանականորեն կարելի է սահմանափակել Ձերժինսկու փողոցի չորս կողմերով («Դուբկի» պուրակ), Տոլբուխինի փողոցով, Մորոզովի փողոցով և Տագանրոգի ծոցի ափով («Տոպոլ» առողջարան, «Պրիազովիե» հյուրանոց)։ Բարոնովկայի մեծ մասը մեր օրերում կլանված է Տագանրոգի մետալուրգիական գործարանի կողմից։
Պատմություն խմբագրել
Բոլշայա Չերեպախա ձորակի երկու կողմերում, գետաբերանի մոտ, XIX դարի 1-ին քառորդում գտնվել է 1832-1844 թվականներին Տագանրոգի քաղաքագլուխ, բարոն Օտտո Ռոմանովիչ Պֆելիցեր Ֆրանկի կալվածքը[1]։ Քաղաքի ղեկավարի կալվածքի մոտ առաջացել էր մի փոքր գյուղ, որը հետագայում ստացել է «Կարմիր բլուր» անվանումը[1]։ Այս գյուղում 1844 թվականին Տագանրոգի արական գիմնազիայում 1843-1851 թվականներին ծառայած բժշկի ընտանիքում ծնվել է հետագայում հայտնի պերեդվիժնիկ նկարիչ Կոնստանտին Ապոլոնովիչ Սավիցկին[2]։
Ավելի ուշ Ֆրանկովկա անունը ստացած գյուղը վերանվանվել է Բարոնովկա և մտել Տագանրոգ քաղաքի կազմի մեջ[2]։
XX դարում մեծ մասամբ կլանվել է մետալուրգիական գործարանի ընդլայնված տարածքի կողմից[2]։
Ներկայումս Բարոնովկա տեղանունը գրեթե չի օգտագործվում տանգանրոգցիների խոսքում և հայտնի է միայն սակավաթիվ հնաբնակների և գավառագետների։
Ծանոթագրություններ խմբագրել
- ↑ 1,0 1,1 Назаренко В. Историческая справка Արխիվացված 2014-05-12 Wayback Machine // ngo-taganrog.ning.com. — 2010. — 14 июня.
- ↑ 2,0 2,1 2,2 Киричек М. С. «Родился на Франковке, точнее, на Бароновке…» // Таганрогская правда. — 1995. — 11 февр. — С. 7.