Բարձրահասակ շիկահերի վերադարձը
«Բարձրահասակ շիկահերի վերադարձը» (ֆր.՝ Le Retour du grand blond), Իվ Ռոբերի լրտեսական կատակերգությունը Պիեռ Ռիշարի մասնակցությամբ[6]։ Համարվում է «Սև կոշիկով բարձրահասակ շիկահերը» ֆիլմի շարունակությունը։ Նկարահանվել է 1974 թվականին[7]։
 ֆր.՝ Le Retour du grand blond | |
|---|---|
 | |
| Երկիր |  Ֆրանսիա |
| Ժանր | լրտեսական ֆիլմ, կինոկատակերգություն և քրեական ֆիլմ |
| Թվական | դեկտեմբերի 18, 1974[1], դեկտեմբերի 19, 1974[1], մարտի 21, 1975[1], ապրիլի 16, 1975[1], հոկտեմբերի 3, 1975[1], հուլիսի 19, 1976[1] և ապրիլի 21, 1977[1] |
| Լեզու | ֆրանսերեն |
| Ռեժիսոր | Իվ Ռոբեր[2][3][4] |
| Պրոդյուսեր | Ալան Պուռ և Իվ Ռոբեր |
| Սցենարի հեղինակ | Ֆրանսիս Վեբեր և Իվ Ռոբեր[5] |
| Դերակատարներ | Պիեռ Ռիշար[2][4], Ժան Կարմե[4], Անտուան Բո, Կոլետ Կաստել, Անրի Գիբե, Էրվե Սանդ, Iska Khan?, Ժակ Ժիրո, Ժան Բուիզ, Ժան Ռոշֆոր[4], Լիոնել Վիտրան, Լուի Նավար, Միշել Դյուշոսսուա, Միշել Ֆրանչինի, Միրեյ Դարկ[4], Պոլ Բոնիֆաս, Պոլ լը Պերսոն, Քսավիե Ժելեն և Իվ Ռոբեր |
| Օպերատոր | Ռենե Մատլեն |
| Երաժշտություն | Վլադիմիր Կոսմա |
| Պատմվածքի վայր | Փարիզ |
| Նկարահանման վայր | Փարիզ և Ռիո դե Ժանեյրո |
| Կինոընկերություն | Gaumont |
| Տևողություն | 81 րոպե և 89 րոպե |
| Նախորդ | Սև կոշիկով բարձրահասակ շիկահերը |
| Հաջորդ | The Man with One Red Shoe? |
Սյուժե խմբագրել
Համեստ ջութակահար Ֆրանսուա Պերրենի և հակահետախուզության աշխատակցի անհավանական արկածներից 3 ամիս է անցել։ Սակայն լրտեսական խաղերը շարունակվում են։ Ներքին գործերի նոր նախարարը, որը նախկինում Ֆրանսիայի գյուղատնտեսության նախարարն էր, գտնում է Բարձրահասակ շիկահերի դոսյեն, որին կոչում են Բեռնար Միլան։ Հետևելով կապիտան Կամբրեի հուշումներին՝ նա հրամայում է գնդապետ Թուլուզին ներկայացնել իր սուպերլրտեսին, վկայելով, որ ուղիղ մեկ շաբաթից Շիկահերը պետք է ելույթ ունենա Փարիզում։ Թուլուզը շփոթմունքից հորինում է մի պատմություն, իբր թե Շիկահերը վերջերս վախճանվել է արևադարձային գոտիներում՝ հատուկ գործողություններ կատարելիս, սակայն նախարարը պահանջում է բերել մարմինը և մեծարելով հուղարկավորեն հայրենիքում։
Գնդապետն իր մարդկանց ուղարկում է Ռիո դե Ժանեյրո, որպեսզի սպանեն Պերրենին, որտեղ վերջինս Քրիսթինի հետ է։ Այդ սպանությանը դեմ էր Պերրաշը՝ գիտակցելով իր մեղքը։ Սակայն շիկահերը կրկին հեռանում է կրակոցներից և պայթյուններից՝ ոչինչ չկասկածելով։ Պնդերես կապիտան Կամբրեն 5 գնդապետի և իր օգնական Պերրաշի հետ գնում է այդտեղ։ Նա ոչ միայն գտնում է Պերրենի բնակարանում հրաձգությանը վկա մի մարդու, այլ նաև իմանում է շիկահերի «թաղման» մասին։ Հասկանալով իր վրիպման մասին, Թուլուզը իր լրտեսների հետ առևանգում են Քրիստինին և անձամբ գնում է Շիկահերի մոտ, որը արդեն ստիպված է կատարել իր ցանկությունները՝ գալ Փարիզ և սուպերլրտես ձևանալ նախարարի մոտ, որը և կդադարեցնի Միլանի սպանության գործի հետաքննությունը։ Կամբրեի ցուցումով նախարաը մտադրվում է սուպերլրտեսին ուղարկել շատ կարևոր և վտանգավոր մի հանձնարարության։ Միաժամանակ Թուլուզն էլ մտադրվում է ձերբազատվել շիկահերից այն բանից հետո, երբ նա սկսում է խաղալ իր դերը, քանի որ արդեն հերոսը «չափազանց շատ բաներ գիտի»։ Պերրենին օգնության են հասնում իր ընկեր Մորիսը և կապիտան Կամբրեն։
Քամբրեն խայտառակ մի դոսյե է հավաքում ընդդեմ գնդապետ Թուլուզի։ Նա փորձում է համոզել Շիկահերին, որ վերջինս բացահայտորեն դուրս գա Թուլուզի դեմ, բայց, վերջինս գիտենալով, թե ինչ վիճակում է գտնվում Քրիստինը, մերժում է։ Սակայն կապիտանի համառությունը տալիս է իր պտուղները։ Բացահայտորեն չվստահելով, որ Պերրենը սուպերլրտես չէ, կապիտանը Մորիսի հետ ուղևորվում է «գաղտնի հանձնարարության», որն իրականում իրենից ներկայացնում էր մի բեմականացված ծրագիր։ Այդ ներկայացման մեջ Պերրենը մտնում է փոխհրաձգության մեջ, որտեղ «ապացուցում» է իր սուպերլրտես լինելը։ Արդյունքում Պերրենի ատրճանակի հետ անզգույշ լինելու պատճառով Մորիսը և կապիտանը նկատում են, որ այն լցված էր ներկով՝ փամփուշտի փոխարեն։ Մորիսը համոզվում է, որ Կամբերի կողմից հանդես գալը հույժ անհրաժեշտ է, որպեսզի Պերրենը ապրի։ Այդ ընթացքում Շիկահերը անսպասելի կերպով խճճվում է «գաղտնի հանձնարարության» մեջ և հեռանում Թուլուզի մարդասպաններից։
Պայմանավորվելով ամեն ինչի մասին Մորիսը ստիպում է Շիկահերին մնալ Ֆրանսուայի տանը և սիրով զբաղվել նրա կնոջ՝ Պոլետտի հետ։ Պերրենի մոտ վերադառնալով Քրիստինը բռնացնում է ամուսնուն Պոլետտի հետ անկողնում և արդյունքում դուրս է փախչում։ Իսկ փողոցում նրան էին սպասում Մորիսն ու Կամբրեն։ Խանդի տեսարանին ականատես են լինում նաև Թուլուզն ու Պերրաշը։ Վերջինս հրամայում է համերգի ժամանակ սպանել Շիկահերին։ Այդ համերգին ներկա են գտնվում նաև Թուլուզը, Կամբրեն և նախարարը։ Կապիտանը գնդապետին հաղորդում է, որ շիկահերի սպանության պատճառով բանտ կգնա, և արդյունքում ամեն ինչ բարեհաջող է անցնում։
Դերերում խմբագրել
- Պիեռ Ռիշար - Ֆրանսուա Պերրեն
- Միրեյ Դարկ - Քրիստին
- Ժան Ռոշֆոր - գնդապետ Թուլուզ
- Փոլ Լե Փերսոն - Պերրաշ
- Ժան Կառմե - Մորիս
- Կոլետ Քաստել - Պոլետտ
- Ժան Բուիզ - նախարար
- Անրի Գիբեն - «Կոմս», Թուլուզի մարդը
- Միշել Դյուշոսուա - կապիտան Կամբրե
Տե'ս նաև խմբագրել
Ծանոթագրություններ խմբագրել
- ↑ 1,0 1,1 1,2 1,3 1,4 1,5 1,6 https://www.imdb.com/title/tt0072080/releaseinfo
- ↑ 2,0 2,1 http://stopklatka.pl/film/powrot-tajemniczego-blondyna
- ↑ http://www.imdb.com/title/tt0072080/
- ↑ 4,0 4,1 4,2 4,3 4,4 http://www.allocine.fr/film/fichefilm_gen_cfilm=29668.html
- ↑ ČSFD (չեխերեն) — 2001.
- ↑ «КиноПоиск». www.kinopoisk.ru (ռուսերեն). Վերցված է 2020 թ․ օգոստոսի 18-ին.(չաշխատող հղում)
- ↑ The Return of the Tall Blond Man, Վերցված է 2020 թ․ օգոստոսի 18-ին
Արտաքին հղումներ խմբագրել
- http://www.gaumont.com/DVD/fiche_dvd.cfm?id_dvd=159 Արխիվացված 2008-11-13 Wayback Machine Թրեյլերը կայքում