Բարի լույս (ֆիլմ, 2016)
Անվան այլ կիրառումների համար տե՛ս՝ Բարի լույս (այլ կիրառումներ)
«Բարի լույս», 2016 թվականին ռեժիսոր Աննա Արևշատյանի[1] նկարահանած հայկական ֆիլմ։ 2016 թվականին ֆիլմը ներկայացվել է Ոսկե ծիրան կինոփառատոնի Հայկական համայնապատկեր ծրագրի խաղարկային ֆիլմերի շարքում[2][3][4]։ Ֆիլմի ստեղծման ամբողջ գործընթացը տևել է 2 տարի, նկարահանումները կատարվել են 26 օրվա ընթացքում։
 Բարի լույս | |
|---|---|
.jpg) | |
| Երկիր |  Հայաստան |
| Թվական | 2016 և մարտի 7, 2017 |
| Լեզու | հայերեն |
| Ռեժիսոր | Աննա Արևշատյան |
| Դերակատարներ | Սամվել Փիլոյան |
| Կինոընկերություն | Izyum Film Production |
| Տևողություն | 104 րոպե |
Սյուժե խմբագրել
Ֆիլմը պատմում է հեռուստաընկերության ղեկավարության հետ մասնագիտական բախման մեջ մտած լրագրողի մասին։ Արշակը կորցրել է աշխատանքը, նրան համակել է անզորությունն ու մեղքի զգացումն ընտանիքի առջև։ Երկրից արտագաղթելու վերաբերյալ կնոջ հորդորները նրան ստիպում են վերջնական որոշում կայացնել, ինչը նրա համար ծայրահեղ է դառնում, և նա հակամարտության մեջ է մտնում սեփական ես-ի հետ. նրա սկզբունքները կոտրված են, ապագան` անորոշ։ Հորը տեսնելու անհագ ցանկությամբ Արշակը մեկնում է սահմանամերձ գյուղ, որտեղ ապրում է հայրը։ Հայրական տան ճանապարհին մանկության հուշերը նրան տանում են 90-ականների դժվարին ժամանակներ։ Անցյալի հետ հանդիպումը օգնում է կրկին վերագտնել իրեն և կայացնել ճիշտ որոշում[5][6]։
Դերերում խմբագրել
- Արայիկ Դարբինյան
- Արսեն Կարապետյան
- Աշոտ Չթչյան
- Արեն Սողոյան
- Դավիթ Գասպարյան
- Սամվել Փիլոյան
- Լիդա Հակոբյան
- Մարիամ Մելիքսեթյան
- Մարիա Մաթևոսյան
Նկարահանող խումբ խմբագրել
- Սցենարի հեղինակ՝ Սևադա Գրիգորյան
- Ռեժիսոր՝ Աննա Արևշատյան
- Օպերատոր՝ Պավել Դիլլուս
- Պրոդյուսեր՝ Շուշանիկ Արևշատյան, Վալերի Սահարյան
- Նկարիչ՝ Սեդրակ Վելիկոդնի
- Հնչյունը` Արտակ Ասիրյան, Արման Պարսամյան, Գևորգ Շահնազարյան
- Երաժշտություն՝ Կարեն Հարությունյան, Վահագն Հայրապետյան
- Մոնտաժը` Տիգրան Բաղինյան
Մրցանակներ խմբագրել
- «Ոսկե Ծիրան» միջազգային 13-րդ կինոփառատոնի «Հայկական համայնապատկեր ազգային մրցույթ» անվանակարգում արժանացել է «Ոսկե Ծիրանի»
- Տորոնտոյում կայացած «Pomegranate Film Festival»-ին արժանացել է «Լավագույն լիամետրաժ ֆիլմ» մրցանակի
- Հայաստանի Կինոակադեմիայի «Անահիտ» մրցանակի է արժանացել՝ որպես «Լավագույն դեբյուտային ֆիլմ»
Ծանոթագրություններ խմբագրել
- ↑ ««Բարի լույս». լրագրությունից հիասթափված ռեժիսորի ֆիլմը՝ լրագրողի մասին». Վերցված է 2017 թ․ մարտի 15-ին.
- ↑ «Բարի լույս». www.gaiff.am. Արխիվացված է օրիգինալից 2016 թ․ սեպտեմբերի 26-ին. Վերցված է 2017 թ․ մարտի 15-ին.
- ↑ «Հայկական համայնապատկեր». www.gaiff.am. Արխիվացված է օրիգինալից 2017 թ․ ապրիլի 19-ին. Վերցված է 2017 թ․ մարտի 15-ին.
- ↑ ««Ոսկե ծիրան». Ծանր 90-ականների դրական հիշողությունները՝ «Բարի լույս» ֆիլմում». armenpress.am. Վերցված է 2017 թ․ մարտի 15-ին.
- ↑ Technologies, Peyotto. ««Բարի լույսն» արդեն մեծ էկրաններին է (լուսանկարներ)». 168 Ժամ. Վերցված է 2017 թ․ մարտի 15-ին.
- ↑ «ДОБРЫЙ СВЕТ ОТ АННЫ АРЕВШАТЯН». golosarmenii.am. Վերցված է 2017 թ․ մարտի 15-ին.