Բարդի բալզամային

Բարդի բալզամային
Գիտական դասակարգում
Թագավորություն Բույսեր Կարգ Ուռածաղկավորներ Ընտանիք Ուռազգիներ Ցեղ Բարդի Տեսակ Բարդի բալզամային
Լատիներեն անվանում
Populus berolinensis Dipp
[{{fullurl:wikispecies:{{{wikispecies}}}|uselang=hy}} Դասակարգումը Վիքիցեղերում] [{{fullurl:commons:Special:Search/{{{wikispecies}}}|uselang=hy}} Պատկերների որոնում Վիքիպահեստում]

Բարդի բալզամային (լատին․՝  Populus berolinensis Dipp), ուռազգիների ընտանիքի, բարդի ցեղի բույս։

Նկարագրություն

Տերևաթափ ծառ է՝ մինչև 30 մ բարձրությամբ և արտակարգ հաստ բնով, որը հասնում է մինչև 4-5 մ-ի։ Ծեր ծառերի կեղևը բնի ստորին մասում մուգ մոխրագույն է, ճաքճքված, ավելի վերևում՝ մոխրագույն, հարթ։ Ընձյուղները թեթևակի անկյունավոր են, կանաչավուն, կպչուն, բուրումնավետ։ Տերևները ձվաձև-նշտարաձև են կամ էլիպսաձև, 5-12 սմ երկարությամբ և 2,5-7,5 սմ լայնությամբ, հիմքում կլորավուն, լայն-սեպաձև կամ թեթևակի սրտաձև, դեպի գագաթը աստիճանաբար սեղմված, մանր ատամնասղոցաեզր, նոր բացված ժամանակ կպչուն, հետագայում մերկ և հարթ, վերևի կողմից փայլուն, մուգ կանաչ, ներքևի կողմից ավելի բաց գույնի և հարթ։ Տերևակոթունները գլանաձև են, սկզբում մազմզուկապատ, հետագայում՝ մերկ։ Կատվիկների երկարությունը հասնում է մինչև 15 սմ-ի, մերկ են։ Ծաղկակից թեփուկները կլորավուն են, հարթ, գանգրաեզր, վաղ են թափվում։ Առէջների թիվը հասնում է 20-30-ի։ Վարսանդի սպին բաց կարմրավուն է։ Պտղատերևը ձվաձև է, սրածայր, 2 փեղկանի, բաց գորշավուն, մինչև 6 սմ երկարությամբ։ Ծաղկում է ապրիլին, պտուղները հասունանում են հունիսին։ Բազմանում է կտրոններով։

Տարածվածություն

Բնական պայմաններում տարածված է Հյուսիսային Ամերիկայում, համարյա ամբողջ Կանադայում և ԱՄՆ-ի հյուսիսային նահանգներում։ Աճում է գետահովիտներում և գետակների ափերին։ Մեր հանրապետության պայմաններում լավ է հարմարվել, ընդ որում հաջողությամբ է աճում անգամ բարձրլեռնային պայմաններում, որտեղ երբեք չի ցրտահարվում և էկոլոգիական ճնշվածության նշաններ հանդես չի բերում։