Արևիկ Գրիգորյան (երգչուհի)
Արևիկ Գրիգորյան (1986 թվականի օգոստոսի 24 , Երևան), հայ երգչուհի։
Գրիգորյան Արևիկ Գրիգորյան Արևիկ | |
---|---|
Ծնվել է | 1986 օգոստոսի 24 |
Ծննդավայր | Երևան |
Քաղաքացիություն | Հայաստան |
Ազգություն | հայ |
Մասնագիտություն | երգչուհի |
Կենսագրություն և գործունեություն խմբագրել
Արևիկ Գրիգորյանը ծնվել է 1986 թվականի օգոստոսի 24-ին, Երևանում։ Երգչուհի Ջուլիետա Գրիգորյանի քույրն է։
1993 թվականից երգել է Նաիրա Գյուրջինյանի «Վաղորդյան կաթիլներ» մանկական խմբում։
2000 թվականից երգում է «Ջեզլ» խմբում։ Խմբի շրջանակներում մասնակցել է մի շարք մրցույթների, փառատոների, համերգների։
2005-09 թվականներին սովորել է Երևանի Կոմիտասի անվան պետական կոնսերվատորիայում[1]։
2011 թվականից աշխատում է «Իմեջին Բենդ» ջազ խմբի հետ, որի հետ հանդես է եկել համերգներով Հայաստանում, Վրաստանում, Ռուսաստանում։
Որպես վոկալի ուսուցչուհի աշխատում է «Կամերտոն» վոկալ ստուդիայում։
2013 թվականին մասնակցել է «Հայաստանի ձայնը» հեռուստանախագծին, որտեղ զբաղեցրել է 2-րդ տեղը[2]։
«Եվրատեսիլ 2018» երգի միջազգային մրցույթի առաջին կիսաեզրափակիչում Հայաստանի ներկայացուցիչ Սևակ Խանաղյանի հետ բեմում ելույթ է ունեցել որպես բեք-վոկալիստ (Մնաց Խանաղյան, Սևակ Մուսախանյան, Մոնիկա Մանուչարովա, Ջուլիետա Գրիգորյան, Արևիկ Գրիգորյան)։
Ամուսնացած է[3]։
Ծանոթագրություններ խմբագրել
- ↑ «Մեր մասին — KOMITAS STATE CONSERVATORY OF YEREVAN». Արխիվացված է օրիգինալից 2020 թ․ հուլիսի 7-ին. Վերցված է 2020 թ․ օգոստոսի 7-ին.
- ↑ խոսնակ, Մամուլի. «Արևիկ Գրիգորյան, Հայաստանի ձայնը 2». Մամուլի խոսնակ - Անկախ հրապարակումների հարթակ. Վերցված է 2020 թ․ օգոստոսի 7-ին.
- ↑ «Արեւիկ Գրիգորյանը՝ ամուսնության եւ «Հայաստանի Ձայնի» մասին. NEWS.am STYLE-ի հարցազրույցը». style.news.am. Վերցված է 2020 թ․ օգոստոսի 7-ին.