Արևելաեվրոպական հովվաշուն
Արևելաեվրոպական հովվաշուն, (ռուս.՝ Восточноевропейская овчарка) ծառայողական շների ցեղատեսակ։
| Արևելաեվրոպական հովվաշուն | |
|---|---|
 | |
| Տեսակ | շան ցեղատեսակ |
| Այլ անուններ | Արևելաեվրոպական հովվաշուն |
| Բնաշխարհ |  ԽՍՀՄ |
| Առանձնահատկություններ | |
| Զանգված արու | 35-60 կգ |
| Զանգված էգ | 30-50 կգ |
| Հասակ արու | 66-76 սմ |
| Դասակարգում և տեսականմուշ | |
| Շուն (Canis lupus familiaris) | |
Ցեղատեսակի պատմությունը խմբագրել
Արևելաեվրոպական հովվաշուն ցեղատեսակը ստացվել է 1930-ական թվականներին՝ ԽՍՀՄ-ում, Գերմանական հովվաշուն ցեղատեսակից։ Ստեղծման նպատակը առավելապես ցրտադիմացկուն ցեղատեսակ ստեղծելն էր, որը նաև կաշխատեր ԽՍՀՄ բոլոր կլիմայական գոտիներում և կծառայեր խորհրդային բանակում, միլիցիայում և ժողովրդական տնտեսության այլ բնագավառներում։
Առաջին ստանդարտը, որը բնութագրում է ցեղատեսակին, հաստատվել է 1964 թվականին՝ ԽՍՀՄ գյուղատնտեսության նախարարության կինոլոգիական խորհրդի կողմից[1]։ Ներկայումս ցեղատեսակը ճանաչվել է մի շարք միջազգային կինոլոգիական կազմակերպությունների կողմից (UCI, IKU և այլն), սակայն դեռևս չի ճանաչվել Կինոլոգիայի միջազգային ֆեդերացիայի (FCI) կողմից[2]։ Ցեղատեսակը լավ հայտնի է ԱՊՀ երկրներում, սակայն նրա մասին տեղեկությունները միջազգային ասպարեզում սակավ են։
Ընդհանուր բնութագիրը խմբագրել
Միջին կամ խոշոր չափերի շներ են, ամուր մարմնակազմվածքով, ուժեղ, բայց ոչ կոպիտ ոսկրային համակարգով։ Մկանային համակարգը լավ է զարգացած։
Հավասարակշռված է և ինքնավստահ, խելացի, անծանոթների նկատմամբ կարող է լինել բարեհամբույր, սակայն չվստահող, ունի ակտիվ պաշտպանական ռեակցիա։ Կարողանում է վերահսկել իրադրությունը և անմիջապես գործի անցնել՝ ստանալով տիրոջ հրամանը։ Հիանալիորեն հանդես է գալիս որպես ուղեկցող կույրերի համար։
Կարևոր է որպեսզի ցեղատեսակը համապատասխանի մի շարք ստանդարտների. մնդավի բարձրությունը՝ 66-76 սմ (արու), 62-72 սմ (էգ), քաշը՝ 35-60 կգ (արու), 30-50 կգ (էգ)։ Հարթամազ է, կոպիտ, միջին կամ կարճ մազերով։ Գունավորումը կարող է լինել սև կամ արծաթավուն մոխրագույն, որը համադրվում է առավել բաց գույների հետ։
Ծանոթագրություններ խմբագրել
- ↑ Выдержка из стандарта породы(չաշխատող հղում), сайт национального клуба породы «восточноевропейская овчарка»
- ↑ Список российских пород собак, признанных Российской кинологической федерацией Արխիվացված 2012-10-29 Wayback Machine, сайт РКФ