Արմեն Նարգիզյան
Արմեն Բյուզանդի Նարգիզյան (մարտի 18, 1952, Երևան, Հայկական ԽՍՀ, ԽՍՀՄ - 2007), հայ բժիշկ, սրտաբան։ Բժշկական գիտությունների դոկտոր (2003)։
Ծնվել է | մարտի 18, 1952 |
---|---|
Ծննդավայր | Երևան, Հայկական ԽՍՀ, ԽՍՀՄ |
Մահացել է | 2007 |
Քաղաքացիություն | Հայաստան |
Ազգություն | հայ |
Կրթություն | Երևանի բժշկական ինստիտուտ |
Մասնագիտություն | բժիշկ |
Կոչում | Բժշկական գիտությունների դոկտոր |
Գիտական աստիճան | բժշկական գիտությունների դոկտոր |
Պաշտոն | Հայաստանի սրտաբանների ասոցիացիայի գլխավոր քարտուղար |
Կենսագրություն խմբագրել
1969 թվականին ավարտել է Մայակովսկու անվան դպրոցը, 1975 թվականին՝ Երևանի բժշկական ինստիտուտը։ Եղել է Չարենցավանի քաղաքային հիվանդանոցի բժիշկ, 1978-1980 թվականներին՝ Երևանի պետական բժշկական համալսարանի կրտսեր գիտաշխատող։ 1980-1983 թվականներին եղել է Համամիութենական գիտական սրտաբանական կենտրոնի ասպիրանտ։ 1983 թվականին պաշտպանել է թեկնածուական թեզը «Միոկարդիալ մետարոլիզմի որոշ սուբստրատների արտերիովենոզ տարբերությունը շողացող առիթմիայով հիվանդների մոտ սինուսային ռիթմի վերականգնումից առաջ և հետո» թեմայով։
1984 թվականից եղել է սրտաբանության գիտահետազոտական ինստիտուտի գիտաշխատող, 2004 թվականից՝ սրտային անբավարարության բաժանմունքի գիտական ղեկավար, 2006 թվականից՝ ընդհանուր սրտաբանության բաժանմունքի վարիչ[1]։
2001 թվականին պաշտպանել է դոկտորական գիտական թեզը «Իշեմիկ ծագման քրոնիկ սրտային անբավարարության ֆարմակոթերապիայի օպտիմիզացումը» թեմայով[2]։
1995 թվականից եղել է Հայաստանի սրտաբանների ընկերության, 1996-1999 թվականներին՝ հիմնադիր քարտուղար, 2000 թվականից՝ Սրտաբանների եվրոպական միության անդամ[3]։
Ստեղծագործություններ և ճանաչում խմբագրել
Ուսումնասիրել է սրտի իշեմիկ հիվանդությունը, սրտի ռիթմի խանգարումները, մասնավորապես՝ շողացող առիթմությունը, իմունային համակարգի ներգրավումը սրտային ախտահարումների ժամանակ։
Հեղինակ է 150 գիտական աշխատությունների, 1 մենագրության, 40 զեկույցների։
Երկեր խմբագրել
Хроническая сердечная недостаточность, Е., 2003 (համահեղինակ).
Ծանոթագրություններ խմբագրել
- ↑ Արմեն Նարգիզյանի հիշատակին(չաշխատող հղում)
- ↑ Медицинская наука Армении, № 3, 2007
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.