Արմաշի առողջության կենտրոն
| Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Արմաշի առողջության կենտրոն, Ակադեմիկոս Արսեն Հայրիյանի անվան Արմաշի առողջության կենտրոն ՓԲԸ, հիմնադրվել է 1953 թվականին, որպես գյուղական բժշկական տեղամաս Արարատի շրջանի Արմաշ գյուղում։ Կենտրոնը կոչվում է հիմնադրի՝ ԽՍՀՄ բժշկագիտության ակադեմիայի թղթակից անդամ, բժշկական գիտությունների դոկտոր պրոֆեսոր, ԽՍՀՄ պետական մրցանակի դափնեկիր, ԽՍՀՄ բժշկական գիտությունների ակադեմիայի Սեմաշկոյի անվան մրցանակի դափնեկիր Արսեն Հայրիյանի անունով։
| Արմաշի առողջության կենտրոն | |
|---|---|
| Տեսակ | կազմակերպություն |
| Երկիր |  Հայաստան |
| Հիմնադրված | 1953 |
| Տեղագրություն | Հայաստան, Արմաշ |
| տնօրեն | Լևոն Հայրիյան |
Պատմություն խմբագրել
1959 թվականին Արմաշում Արսեն Հայրիյանի նախաձեռնությամբ կազմակերպվել է ԽՍՀՄ-ում միակ «Սանիտարական կուլտուրայի թանգարան»-ը։ 1962 թվականին կառուցվել է նոր հիվանդանոց, որն ունեցել է 25 մահճակալ և թերապևտիկ, մանկական և ծնունդօգնություն բաժանմունքներ։ 1964 թվականին կառուցվել է բուժամբուլատորիայի առանձին մասնաշենքը, որը սպասարկել է Սուրենավան, Արմաշ և Երասխ գյուղերը։ 1987 թվականին կառուցվել է հիվանդանոցի նոր մասնաշենքը՝ 60 մահճակալ թերապևտիկ, մանկական, ծնունդօգնություն, ֆիզիոթերապևտիկ բաժանմունքներով։ 1987 թվականին հիվանդանոցը վերանվանվել է «Արմաշի գյուղական առողջության կենտրոն», որտեղ 1987 թվականին տեղի է ունեցել ԽՍՀՄ բժշկագիտության ակադեմիայի արտագնա նիստը՝ նվիրված սոցիալ հիգիենայի և առողջապահության զարգացման հիմնախնդիրներին։ Արմաշի առողջության կենտրոնը սպասարկել է Արարատի շրջանի Երասխի տարածաշրջանի և մոտակա լեռնային գյուղերը։ 2001 թվականին հիվանդանոցում բացվել է 30 մահճակալ ունեցող հոգեբուժական բաժանմունք։ 2006 թվականին Արմաշ առողջության կենտրոնը ձևափոխվել է՝ դառնալով հոգեկան հիվանդների բուժման և խնամքի կենտրոն։ Մանկական, ծնունդօգնություն, ֆիզիոթերապևտիկ բաժանմունքների գործունեությունը կասեցվել են։