Արման (անձնանուն)

Անվան այլ կիրառումների համար տե՛ս՝ Արման (այլ կիրառումներ)

Արմանը Հերման անվան փոփոխված ձևն է։ Չնայած այն ծագումով անգլոգերմանական է, բայց կարող է ունենալ տարբեր նշանակություններ և արտասանության ձևեր՝ կախված տարածաշրջանից։

Դրա սկզբնական նշանակությունն էր «բանակի տղամարդ» և ծագում էր գերմաներեն «բանակ» նշանակող "Heri" արմատից՝ զուգակցված «Man» արմատի հետ, որը նշանակում է մարդ, տղամարդ։

Տարբեր տարածաշրջաններ

Իրան և Աֆղանստան

Պարսկերենում Արմանը տղայի անուն է, որը նշանակում է «իդեալ», «երազանք», «նպատակակետ» և «ձգտում»։:

Հայաստան

Համաձայն հայերի՝ անունը ծագում է հայերեն «արի» և նախահնդեվրոպական «man» (մարդ, տղամարդ) բառերից։ Այնուամենայնիվ կան նաև անվան այլ մեկնաբանություններ։ Օրինակ՝ դա նշանակում է հայ տղամարդ (Ar+man)։ Մեկ այլ մեկնաբանությամբ Արմանը նշանակում է «զարմանք, անակնկալ»` հայերեն զարմանք բառից. զ (նախածանց) + արման + ք (հոգնակիակերտ վերջածանց).

Ռուսաստան

Արման անունը ռուսերեն նշանակում է կրակ տաքություն

Ղազախստան

Ղազախերենում Արման անունը նշանակում է «երազ, երազանք»։

Թուրքիա

Թուրքերենում անվան նշանակությունը տարբեր է՝ կախված սեռից։ Եթե անձը տղամարդ է, անունը նշանակում է «մեծարգո անձ, վստահելի մարդ»։ Իսկ եթե անձը կին է, անունը նշանակում է «Սուրբ երազանք»։