Արինկա

«Արինկա» (ռուս.՝ «Аринка»), խորհրդային քնարական կատակերգություն, որը նկարահանել են ռեժիսորներ Յուրի Մուզիկանտը և Նադեժդա Կոշևերովան «Լենֆիլմ» կինոստուդիայում 1939 թվականին։

Արինկա ռուս.՝ Аринка
Երկիր	ԽՍՀՄ
Ժանր	կինոկատակերգություն
Թվական	1939
Լեզու	ռուսերեն
Ռեժիսոր	Յուրի Մուզիկանտ և Նադեժդա Կոշևարովա
Սցենարի հեղինակ	Սեմյոն Պոլոցկի և Մատվեյ Տևելև
Դերակատարներ	Նիկոլայ Կոնովալով
Կինոընկերություն	Լենֆիլմ
Տևողություն	82 րոպե
Arinka (film) Վիքիպահեստում

Ֆիլմի պրեմիերան տեղի է ունեցել 1940 թվականի մարտի 7-ին։

Սյուժե

Արինկան հոր հետ ապրում է երկաթուղու հեռավոր հատվածում։ Նրա հայրը շրջագայող ուղեպահ է, գնում է վարչություն՝ քննություն տալու ճանապարհային վարպետի համար, բայց հուզվում է ու շատ անհաջող պատասխանում հարցերին։ Իր անհաջողությունների մեղավորը նա համարում է քննողի կողքին նստած երիտասարդ մեքենավարին։ Վերադառնալով տուն՝ նա իր դստերը դառնությամբ ասել է, որ իրենց ուղարկել են թոշակի և պետք է տեղափոխվեն քաղաք։ Նրա բացակայության ժամանակ Արինկային ծաղիկներով այցելել է նրան սիրահարված մեքենավարը, որն ամեն օր անցնում է երկաթուղու այդ հատվածով։ Այդ երիտասարդ մարդու մեջ Ստեպան Ստեպանովիչը ճանաչում է իր երեկվա «վիրավորողին»։

Դերերում

Կադր «Արինկա» ֆիլմից

• Լարիսա Եմելյանցևա – Արինկա (Արինա Ստեպանովնա Արխիպովա)
• Նիկոլայ Կոնովալով (հանրապետության վաստակավոր արտիստ) – Ստեպան Ստեպանովիչ Արխիպով, Արինկայի հայրը
• Ալեքսանդր Կուլակով – Վասիլի Իվանովիչ Սերգեև, մեքենավար
• Պավել Սուխանով – Կոստյա, մեքենավարի օգնական
• Վալենտին Կիսելյով (հանրապետության վաստակավոր արտիստ) – ճանապարհի պետի տեղակալ
• Ալեքսեյ Բոնդի (հանրապետության վաստակավոր արտիստ) – Ալեքսեյ Միխայլովիչ, կայանի պետ

Լուսագրերում նշված չեն․

• Մարիա Բարաբանովա – ճանապարհի պետի տեղակալ
• Միխայիլ Մայորով – էպիզոդ
• Ալեքսեյ Մատով – Ստեպան Ստեպանովիչի ընկերը
• Գերման Օռլով – վարպետ
• Սերգեյ Ֆիլիպով – ծեր երկաթուղագործ, Ստեպան Ստեպանովիչի ընկերը
• Վլադիմիր Ֆոկին – Ստեպան Ստեպանովիչի ընկերը
• Պ. Մոսկվին – Ստեպան Ստեպանովիչի ընկերը

Նկարահանող խումբ

• Սցենարի հեղինակներ՝ Սեմյոն Պոլոցկի, Մատվեյ Տևելև
• Ռեժիսորներ՝ Յուրի Մուզիկանտ, Նադեժդա Կոշևերովա
• Օպերատոր՝ Ապոլինարի Դուդկո
• Նկարիչ՝ Ալեքսանդր Բլեք
• Կոմպոզիտոր՝ Նիկիտա Բոգոսլովսկի
• Ֆիլմի տնօրեն՝ Պյոտր Պոդվալնի
• Ռեժիսորի օգնական՝ Ա. Գոլիշև
• Մոնտաժման օգնական՝ Նինա Կերստենս
• Հնչյունային օպերատոր՝ Աֆանասի Սիմանովսկի
• Երգերի տեքստի հեղինակ՝ Վասիլի Լեբեդև-Կումաչ
• Կիթառի նվագակցություն՝ Սերգեյ Սորոկին

Երաժշտություն

• «Արինկայի երգը» («Не пойму, почему всё переменилось...», Ն. Բոգոսլովսկի, Վ. Լեբեդև-Կումաչ) կատարել է Զինաիդա Տարսկայան։

Քնադատություն

Քննադատները դրական են գնահատել ֆիլմը։

Ս․ Գինզբուրգը «Кино» թերթում գրել է․ «Միայն ռեժիսորներ Յու. Մուզիկանտը և Ն. Կոշևերովան ավելի լավ ստեղծագործություն են տվել, քան դրա հիմքում դրված սցենարը»։ «Սա, թերևս, լավագույն ֆիլմն է դիտվող կատակերգությունների շարքում»,— նշել է նաև «Կինոյի արվեստը» ամսագիրը։ Ֆ․ Կարենը «Արինկայի» բեմադրողների մասին գրել է․ «Նրանք ցույց են տվել իրենց իսկական կատակերգական շնորհը՝ կյանքում զավեշտն զգալու, նկատելու և արվեստում զավեշտալի ստեղծագործություններ ստեղծելու ունակությունը։ Դրանում է նրա երաշխիքը, որ «Արինկայի» հեղինակները կարող են ստեղծել խորհրդային գերազանց կինոկատակերգություններ՝ խելացի և զվարճալի»։

Գրականություն

• Боровков В. Надежда Кошеверова // 20 режиссёрских биографий / Сост. Р.Д. Черненко. — М.: Искусство, 1978. — С. 66—81. — 408 с.

Արտաքին հղումներ

• «Аринка» Аннотированный каталог фильмов киностудии «Ленфильм» 1918—2003.
• ««Аринка»». Энциклопедия отечественного кино. Արխիվացված է օրիգինալից 2013 թ․ օգոստոսի 16-ին. Վերցված է 2013 թ․ օգոստոսի 1-ին.
• ««Аринка»». Статья. Онлайн энциклопедия Кирилла и Мефодия. Արխիվացված է օրիգինալից 2013 թ․ օգոստոսի 14-ին. Վերցված է 2013 թ․ օգոստոսի 1-ին.
• «Արինկա» ՅուԹյուբում

Վիքիպահեստն ունի նյութեր, որոնք վերաբերում են «Արինկա» հոդվածին։