Արթուր Փինաջյան
Արթուր Փինաջյան (մարտի 28, 1914, Նյու Ջերսի, ԱՄՆ - օգոստոսի 19, 1999, Bellport, Սաֆոլկ շրջան, Նյու Յորք, ԱՄՆ)[1], ամերիկացի հայազգի նկարիչ։
Արթուր Փինաջյան | |
|---|---|
 | |
| Ի ծնե | Արթուր Փինաջյան |
| Ծնվել է | 1914 |
| Ծննդավայր | Նյու Ջերսի  ԱՄՆ |
| Վախճանվել է | 1999 |
| Մահվան վայր | Բելպորտ ԱՄՆ |
| Ազգություն | հայ |
| Քաղաքացիություն | ԱՄՆ |
| Մասնագիտություն | նկարիչ |
| Ժանր | դիմապատկեր |
| Պարգևներ |  |
ԿենսագրությունԽմբագրել
Արթուր Փինաջյանը ծնվել է 1914 թվականին Նյու Ջերսիում, ցեղասպանությունից մազապուրծ եղած, Նյու-Յորքում բնակություն հաստատած ընտանիքում։ 1930-ական թվականներին աշխատել է որպես անիմատոր՝ ստեղծելով կոմիքսներ։ Նրա աշխատանքների մեծ մասը տպագրվել է «New York Daily News»-ում։ Մասնակցել է Երկրորդ աշխարհամարտին և արժանացել է «Բրոնզե աստղի» արիության համար։
Ստեղծագործական ուղիԽմբագրել
Նրա աշխատանքները կարելի է բաժանել երկու ժամանակաշրջանի՝ Վուդսթոքյան (1950 - 1973) և Բելփորթյան (1974 - 1999)։ Առաջին շրջանի աշխատանքներն աչքի են ընկնում ավելի հագեցած գունային գամմայով, իսկ երկրորդ շրջանը՝ ավելի նոսր և թույլ գույներով[2]։
2013 թվականին ԱՄՆ-ի Կալիֆոռնիա նահանգի Սուրբ Լևոն հայկական եկեղեցու Զորյան թանգարանում բացվելու է գեղանկարչի կտավների ցուցահանդես-վաճառքը։
Հետմահու հռչակԽմբագրել
Փինաջյանի արվեստը համաշխարհային ճանաչում է ստացել նրա մահվանից տասնյակ տարիներ անց։ Նկարիչը քրոջն ասել է իր մահից հետո դեն նետել բոլոր նկարները, բայց քույրը չի գնացել այդ քայլին։ Իսկ 2005 թվականին քրոջ մահից հետո նկարչի հարազատները որոշել են տունը վաճառել։ Գնորդներ Թոմաս Շուլցն ու Լորենս Ջոզեֆը դրա համար վճարել են 300 հազար դոլար։ Տունը գնելուց հետո ձեղնահարկում ու ավտոտնակում նրանք հայտնաբերել են Փինաջյանի՝ 3000-ից ավելի ստեղծագործություններ, որոնք միլիոնավոր դոլարներ են գնահատվում[3]։
ԾանոթագրություններԽմբագրել
- ↑ Social Security Death Index, SS# 153-10-9112.
- ↑ ԱՄՆ-ում կբացվի ամերիկահայ նկարիչ Արթուր Փինաջյանի անհատական ցուցահանդեսը
- ↑ Ամերիկահայ նկարիչ Արթուր Փինաջյանին համեմատում են Վան Գոգի հետ