Ավետիք (մանրանկարիչ)

Անվան այլ կիրառումների համար տե՛ս՝ Ավետիք (այլ կիրառումներ)

Ավետիք (ծննդյան և մահվան թվականները անհայտ), միջնադարի հայ մանրանկարիչ։

Ավետիք
Ծնվել է	անհայտ
Վախճանվել է	անհայտ
Ազգություն	հայ
Մասնագիտություն	մանրանկարիչ

Կենսագրություն

Ենթադրվում է, որ ստեղծագործել է XIV դարում։ Երևանի Մեսրոպ Մաշտոցի անվան Մատենադարանի կիլիկյան 13-րդ դարի ավետարաններից մեկում (№ 7644, ստացող՝ Սմբատ Գունդստաբլ) գտնվում է Քրիստոսի կյանքին նվիրված յոթ մանրանկար, որոնցից մեկի տակ հեղինակի հիշատակագրությունն է՝

«զԱվետիքս յիշե տէր... զնկարող»։

Ենթադրվում է, որ այդ յոթ մանրանկարները հետագայում են ավելացվել ձեռագրի մեջ։ Ավետիքի մանրանկարների խտացված գույները աղերսվում են վաղ շրջանի հայկական ձեռագրերի երփնագրին։ Նկարների խորքը ծանրաբեռնված է ճարտարապետական կառույցների պատկերներով։ Մարդկային դեմքերը նկարված են լուսավոր գույների համադրությամբ։

Գրականություն

• Հովսեփյան Գ., Հիշատակարանք ձեռագրաց, հ. 1, Անթիլիաս, 1951, էջ 958։ Հին հայկական մանրանկարչություն, [ալբոմ], կազմ. Լ. Ա. Դուռնովո, Ե., 1952։
• Ազարյան Լ. Ռ., Կիլիկյան մանրանկարչությունը XII–XIII դդ., Ե., 1964, էջ 84։
• Свирин А. Н., Миниатюра древней Армении, М.-Л., 1939, с. 54; Дурного Л. А., Краткая история древнеармянской живописи, Е., 1957, с. 37–38.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 614)։