Ապուշների ուղևորությունը
«Ապուշների ուղևորությունը», 2015 թվականին «Անտարես» հրատարակչության «XXI.» մատենաշարով հրատարակած Հրաչյա Սարիբեկյանի երթուղային վեպը։ Խմբագիր՝ Արքմենիկ Նիկողոսյան, 160 էջ։
Ապուշների ուղևորությունը | |
---|---|
«Ապուշների ուղևորությունը» գրքի շապիկը (2015) | |
Հեղինակ | Հրաչյա Սարիբեկյան |
Տեսակ | երթուղային վեպ |
Ժանր | վեպ |
Բնօրինակ լեզու | հայերեն |
Էջեր | 160 էջ |
Խմբագիր | Արքմենիկ Նիկողոսյան |
Կազմի հեղինակ | «Անտարես» մեդիա հոլդինգ |
Երկիր | Հայաստան |
Հրատարակման վայր | Երևան |
Հրատարակիչ | Անտարես |
Հրատարակման տարեթիվ | 2015 |
ԳՄՍՀ | 978-9939-51-844-2 |
ՀՏԴ | 821.19-31 |
ԳՄԴ | 84(5Հ)-44 |
Պարգև(ներ) | Հայաստանի գրողների միության և Հայերի համաշխարհային կոնգրեսի անտիպ վեպի «Հայը 20-րդ դարի սկզբին» մրցանակ[1] |
Ստեղծագործությունն արժանացել է Հայաստանի գրողների միության և Հայերի համաշխարհային կոնգրեսի անտիպ վեպի «Հայը 20-րդ դարի սկզբին» մրցանակին։
Վեպը եղել է «Արմենպրես» լրատվական գործակալության «Երևանյան բեսթսելեր» նախագծի վարկանիշային աղյուսակում[2]։
Գրքի հանձնարարական խմբագրել
1990-ականների սկզբի հայաստանյան իրականության բազմաթիվ հարցեր դեռ անպատասխան են մնում, բազմաթիվ հարցեր առեղծվածի քողով են պատված, իսկ բազմաթիվ հարցերի մասին գերադասելին ընդհանրապես լռությունն է։ Հրաչյա Սարիբեկյանի «Ապուշների ուղևորությունը» «երկաթուղային վեպը» ռելսերին է դնում հարցեր, որոնց շուրջ մինչ այժմ առեղծվածային լռություն է։ Օրինակ՝ ի՞նչ եղան Բաքվի ու Ադրբեջանի մյուս քաղաքների հոգեբուժարանների հայ հիվանդները... Ուստի վեպի հերոսների ուղևորությունը յուրատեսակ ուղևորություն է նաև ընթերցողի համար և նույնքան վտանգավոր. «սարիբեկյանական իրականության» մեջ ընթերցողից հերոսի, նույնն է թե ապուշի վերածվելու սահմանը չափազանց հարաբերական է։