Աշնան ամպին ու զամպին

«Աշնան ամպին ու զամպին», Հովհաննես Թումանյանի քառյակներից, որը գրվել է 1918 թվականի փետրվարին։

Աշնան ամպին ու զամպին
Տեսակ	գրական ստեղծագործություն
Ժանր	քառյակ
Հեղինակ	Հովհաննես Թումանյան
Բնագիր լեզու	հայերեն
Գրվել է	1918
Հրատարակչություն	«Միություն» շաբաթաթերթ
Վիքիդարան	Աշնան ամպին ու զամպին

Պատմություն

Թումանյանի ընտանեկան արխիվում պահվում է երկու ինքնագիր։ Եղիշե Չարենցի անվան գրականության և արվեստի թանգարանի Թումանյանի ֆոնդի № 1407-ում պահվում է ԹիՖլիսում լույս տեսնող «Միություն» շաբաթաթերթում տպագրված մեկ օրինակ, որի վրա Թումանյանը ուղղումներ է կատարել։ Առաջին անգամ տպագրվել է «Միություն» շաբաթաթերթում, 1918 թվականի նոյեմբերի 2-ին՝ 30-րդ համարում, այնուհետև՝ Թիֆլիսում հրատարակված Հովհաննես Թումանյանի «Քառյակներ» ժողովածուի 21֊րդ էջում և Կոստանդնուպոլսում լույս տեսած «Բանաստեղծություններ» ժողովածուի 53-րդ էջում, ապա՝ Թումանյանի երկերի ժողովածուի առաջին հատորի 208-րդ էջում։ Ստեղծագործությունն արտատպվում է Կ․ Պոլսում լույս տեսած «Բանաստեղծություններ» ժողովածուից։