Աշխարհացույց հայաստանյայց ըստ հին և նոր աշխարհագրաց
«Աշխարհացույց հայաստանյայց ըստ հին և նոր աշխարհագրաց» 1751 թվականին Վենետիկում տպագրված քարտեզ[1]։
Աշխարհացույց հայաստանյայց ըստ հին և նոր աշխարհագրաց | |
---|---|
Տեսակ | քարտեզ |
Ստեղծման տարեթիվ | 1751 |
Պատմություն խմբագրել
1751 թ. Վենետիկում լույս է տեսել պատմական Հայաստանի քարտեզը։ Ըստ հին և նոր քարտեզագետների և աշխարհագրագետների՝ այն կարելի է համարել Շիրակացու Աշխարհացույցի բացակայող քարտեզին փոխարինողը[2]։
Քարտեզի չափերն են 37,5 x 51 սմ։ Անվանացույցը քարտեզի ներքևի ձախ անկյունում է՝ զարդաշրջանակի մեջ, մեջտեղում՝ «Աստիճանք մղոնաչափութեան» (մասշտաբ)՝ նույնպես զարդաշրջանակի մեջ։ Քարտեզի վրա կան նաև պայմանական նշաններ՝ հրաբխի, սարերի մասին։
Քարտեզը որպես ներդի, զետեղված է Մխիթար Սեբաստացու «Բառգիրք հայկազեան լեզուի» (Վնտ., 1769, հ. 2) գրքի Բ էջակալության 232-233 էջերի միջև։
Հայ մատենագետներ Գարեգին Զարպհանալյանը և Արսեն Ղազիկյանը այն անվանել են «Հայաստանեայց փոքր», իսկ Հ. Ստեփանյանը՝ «Հայաստան աշխարհի» փոքրադիր քարտեզ։ Ըստ Սահակ վարդապետ Ճեմճեմյանի՝ քարտեզի փորագրիչը եղել է Ջուզեպպե Ցուկկինը։
Ծանոթագրություններ խմբագրել
Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ |