Անլվան

Անլվան (ռուս.՝ Неумойка), նկարված մուլտֆիլմ երեխաների համար, որը նկարահանվել է 1964 թվականին։

Անլվան
Տեսակ	մուլտֆիլմ
Ռեժիսոր	Mark Draitsun? և Բորիս Խրանևիչ
Սցենարիստ	Georgy Karlov?
Երկիր	ԽՍՀՄ
Ընկերություն	Կիևնաուչֆիլմ
Տևողություն	606 վայրկյան
Թվական	1964

Սյուժե

Բոլորին հայտնի է, որ առավոտյան մեծահասակներն ու երեխաները պետք է լվացվեն։ Եվ ահա բակում, որտեղ ապրում են տնային կենդանիները, գալիս է այդ գործընթացի ժամանակը։ Առանց բացառության բոլորը լվանում են իրենց դեմքը և մաքրում են ատամները։ Հիգիենիայի կանոնին հետևում են և՛ հավերը, և՛ կովերը, և՛ կատուները, և՛ շները, և նույնիսկ փոքրիկ խոզուկը փորձում է մաքուր մնալ։ Միայն մի կենդանի` փոքրիկ հորթիկը, չէր ցանակնում լվացվել և մաքրել ատամները, այլ ուզում էր կեղտոտ մնալ, ինչի համար էլ նրան պատժում է մայրիկ կովը։ Նա չէր ուզում լվացվել, այդ իսկ պատճառով կենդանիները ծաղրում են փնթիի` նրան անվանելով «անլվա»։ Սակայն համարձակություն ձեռք բերելով` հորթուկը նախ չցանկանալով, իսկ հետո` մեծ ուրախությամբ լողանում է և կրկին մաքուր դառնում։ Բակում բոլորն ուրախանում են, իսկ հորթուկը նորից հաշտվում է մայրիկի հետ։

Հեղինակներ

• Սցենարի հեղինակ` Գեորգի Կառլով
• Ռեժիսորներ` Մարկ Դրայցուն, Բորիս Խրանևիչ
• Բեմադրող նկարիչներ` Ալեքսանդր Լավրով, Մ. Մալովա
• Կոմպոզիտոր` Գ. Գեմբերա
• Օպերատոր` Գրիգորի Օստրովսկի
• Հնչյունային օպերատոր` Իգոր Պոգոն
• Խմբագիր` Տադեուշ Պավլենկո
• Նկարիչ-մուլտիպլիկատորներ` Վ. Բաև, Յա. Գարբաչենկո, Ալլա Գրաչյովա, Մարկ Դրայցուն, Վ. Դեմկին, Եֆրեմ Պրուժանսկիյ, Ադոլֆ Պեդան, Օքսանա Տկաչենկո, Իրինա Չերնովա, Բորիս Խրանևիչ

Հետաքրքիր փաստեր

• Մուլտֆիլմը նկարահանվել է ըստ համանուն բանաստեղծության մոտիվների (1952)

Թողարկում

Մուլտֆիլմը DVD ձևաչափով թողարկվել է մուլտֆիլմերի «Անմիտ ագռավը» հավաքածուում։

Ոճական առանձնահատկություններ

• 1960-ական թվականների կեսերին ուկրաինական մուլտիպլիկացիայի երիտասարդ «Կիևնաուչֆիլմ» ստուդիան ձեռք է բերում, այսպես ասած, դասական «դիսնեյյան» ոճ, որը երկար կյանք չի ունենում։

Մենք այն ժամանակ կարգին ոչինչ չգիտեինք ու չէինք կարողանում,-հիշում է «Ուկրաինֆիլմ» ստուդիայի ռեժիսոր Եվգենի Սիվոկոնը:- Սակայն մենք համարձակություն ունեինք, մենք հեղափոխական էինք ու նորարար։ Մենք ուզում էինք տապալել հենց իրեն` Դիսնեյին։ Անիմացիայի գործն Ուկրաինայում միշտ էլ համարձակության շնորհիվ է եղել։ Հենց «անիմատոր» բառը նշանակում է «կենդանացնել, կյանք տալ»։ Ապագա վարպետները սովորում էին ավագ սերնդի` Իպոլիտ Լազարչուկի (այդ ժամանակ ղեկավարում էր ստուդիան), Նինա Վասիլենկոյի, Իրինա Գուրվիչի մոտ, ինչպես նաև` հենց իրարից։ Ըստ նրանց հիշողությունների, մեծ օգնություն էին դիսնեյյան և հարավսլավական մուլտֆիլմերի անօրինական պատճենները։ Դրանք մի քանի անգամ դիտվում էին` ժապավենը մեկ արագ, մեկ` դանդաղ պտտելով։ – Մենք փորձում էինք հասկանալ, թե ինչպես է դա արվում։ Մի կողմից, մենք ցանկանում էինք սովորել աշխատել նրանց նման, մյուս կողմից` ձգտում էինք մեր սեփականն ստեղծել ու ավելի լավը լինել,- ասել է «Ուկրաինֆիլմ» ստուդիայի նկարիչ Էդվարդ Կիրչը։

Այդ պատճառով ստուդիայի առաջին` «Պղպեղի արկածները» (1960), «Գարնանաթևիկ» (1961), «Թագուհու ուղեկցորդուհին» (1962), «Պուշոկն ու Դրուժոկը» (1963) և «Անլվան» մուլտֆիլմերն ստեղծվել են վերջին տարիներին ուկրաինական մուլտֆիլմերին բնորոշ ոճից տարբերվող ձևով։

Արտաքին հղումներ

• «Անլվան» (մուլտֆիլմ) մուլտֆիլմը «Անիմատոր.ռու» կայքում