Ամեն ինչ կամ ոչինչ (ֆիլմ, 2018)
«Ամեն ինչ կամ ոչինչ» (ռուս.՝ «Всё или ничего»), ռուսական կատակերգական արկածային ֆիլմ, որը նկարահանել է ռեժիսոր Դմիտրի Սուվորովը։ Թրեյլերը թողարկվել է 2018 թվականի հոկտեմբերի 22-ին[1]։ Ֆիլմի պրեմիերան Ռուսաստանում կայացել է 2018 թվականի նոյեմբերի 29-ին[2]։
Երկիր | Ռուսաստան |
---|---|
Ժանր | արկածային ֆիլմ |
Թվական | 2018 |
Լեզու | ռուսերեն |
Ռեժիսոր | Dmitriy Suvorov? |
Դերակատարներ | Elena Berkova?, Ռոման Կուրցին, Վլադիմիր Եպիֆանցև, Արթուր Սմոլյանինով և Սերգեյ Բուրունով |
Սյուժե խմբագրել
Երեք մենեջերներ (Ալեքսեյ, Նիկիտա, Արտյոմ) միավորվում են՝ փորձելով տապալել լկտիացած ղեկավարին (Դմիտրի), որը թալանում է ընկերությունը՝ միաժամանակ կրճատելով իր աշխատակիցների աշխատավարձերը և սահմանափակելով սոցիալական փաթեթը։ Ընկերները ծրագիր են մշակում, թե ինչպես կարելի է շեֆից գողանալ 50 միլիոն և ձայնագրիչը՝ արդարությունը վերականգնելու համար։ Նրանցից ոչ ոք գործ չի ունեցել իրական քրեական աշխարհի հետ։ Ճակատագիրը հերոսներին բերում է փորձառու գողի (Դենիս) մոտ, ով օգնում է գրասենյակի աշխատողներին։ Փողի պարկի իրական տերը ամենևին էլ նա չէ, ում հետևում էին հերոսները․ նրանք իրական խնդիրներ են ունենում քրեական աշխարհի հետ։ Հիմնադիրը (Բոլեսլավ Վիկտորովիչ) սպանում է գործարարին, ում համար նախատեսված էր գումարը։ Բերման ենթարկելիս ոստիկանները վիրավորում են Նիկիտայի ոտքը։
Դերերում խմբագրել
- Կիրիլ Կագանովիչ – Ալեքսեյ
- Ռոման Կուրցին – Նիկիտա
- Դանիլա Յակուշև – Արտյոմ
- Արթուր Սմոլյանինով – Դենիս
- Սերգեյ Բուրունով – Նիկոլայ
- Յուրի Ստոյանով – Բոլեսլավ Վիկտորովիչ
- Անդրեյ Ստոյանով – Դմիտրի
- Վլադիմիր Եպիֆանցև – Վլադ
- Ռոման Մադյանով – Վալերի
- Աննա Բաչալովա – Նատաշա
- Վասիլի Կորտուկով – Կոնստանտին
- Եվգենիա Ախրեմենկո – Լյուբա
- Եկատերինա Սոլոմատինա – Վալյա
- Ելենա Բերկովա – Անժելա
Արձագանքներ խմբագրել
Ֆիլմն ստացել Է կինոքննադատների խառը գնահատականներ։ InterMedia-ի սյունակագիր Դենիս Ստուպնիկովը գրել է. «Ուրախալի է, որ ռեժիսորը փորձում է խուսափել շտամպներից հերոսների կերպարները նկարելիս։ Քաղցր-մեղցր ավարտը, իհարկե, նման ֆիլմի համար նախատեսված էր ժանրի օրենքի համաձայն։ Այն առկա է այստեղ, բայց նկատելիորեն կրճատված տեսքով։ Ի վերջո, արդեն լուսագրերի ժամանակ ուշադիր հեռուստադիտողը ուշադրություն կդարձնի մեկ ակնարկի, որը թույլ է տալիս «Ամեն ինչ կամ ոչինչ»-ը համարել Անդրեյ Զվյագինցևի «Լևիաթանի» յուրօրինակ նախաբան։ Քանի որ այդ հերոսները կվերածվեն նման հրեշների, ոչ մի հեփի-էնդի մասին խոսք լինել չի կարող»[3]։ Кино Mail.ru կայքից Բորիս Գրիշինը նշել է, որ «Ժապավենը նկարահանվել է Դմիտրի Սուվորովի նախորդ աշխատանքների ոգով՝ շատ դինամիկ տեսախցիկ, արագ մոնտաժ, կոպիտ ուղղակի հումոր, որը նախատեսված է բոլոր տեսակի ստենդ-ափ շոուների և ՈՒՀԱ-ի սիրահարների համար։ Իսկ այս կատակերգության գլխավոր խնդիրն այն է, որ այն այնքան էլ ծիծաղելի չէ. և հերոսները, և նրանց հանգամանքներն այնքան արհեստական և անկենդան են, որ նույնիսկ ժպիտ չեն առաջացնում»[4]։ КиноАфиша-ի մեկնաբան Դմիտրի Բորտնիկովը գրել է. «Երբեմն բոլորը կարող են ցանկություն ունենալ պարզապես ֆիլմ նկարահանել։ Հիշել ձեր ամենասիրելի պահերը, կպցնել դրանք միմյանց ժապավենով և ցույց տալ բոլորին, բոլորին, բոլորին։ Մոտավորապես դրանով էլ զբաղվել են «Ամեն ինչ կամ ոչինչ» կինոնախագծի ստեղծողները, որը ժողովրդի մեջ կարելի է համարձակորեն անվանել «Ոչինչ, տղաներ, մենք վերապրել ենք քոփիրայթի էլ ավելի վատագույն օրինակներ»[5]։
Ծանոթագրություններ խմբագրել
- ↑ «Трейлер комедии «Всё или ничего» с Еленой Берковой». Film.ru. 2018 թ․ հոկտեմբերի 22. Վերցված է 2020 թ․ օգոստոսի 22-ին.
- ↑ «Елена Летучая, Владимир Яглыч и другие звезды на премьере фильма «Все или ничего»». OK!. 2018 թ․ նոյեմբերի 29. Վերցված է 2020 թ․ օգոստոսի 22-ին.
- ↑ Денис Ступников (2018 թ․ նոյեմբերի 29). «Рецензия: «Все или ничего». Комедийный пролог к «Левиафану»». InterMedia. Արխիվացված օրիգինալից 2020 թ․ հոկտեմբերի 27-ին. Վերցված է 2020 թ․ օգոստոսի 22-ին.
- ↑ Борис Гришин (2018 թ․ նոյեմբերի 29). «Рецензия редакции». Кино Mail.ru. Արխիվացված օրիգինալից 2020 թ․ հոկտեմբերի 27-ին. Վերցված է 2020 թ․ օգոստոսի 22-ին.
- ↑ Дмитрий Бортников (2018 թ․ նոյեմբերի 29). ««Все или ничего»: Рецензия Киноафиши». КиноАфиша. Վերցված է 2020 թ․ օգոստոսի 22-ին.