Աղջկա սիրտը

Աղջկա սիրտը, բալլադ, որը մեզ է հասել Հովհաննես Թումանյանի մշակմամբ։

'
Տեսակ	գրական ստեղծագործություն
Ժանր	բալլադ
Հեղինակ	Հովհաննես Թումանյան
Բնագիր լեզու	հայերեն
Գրվել է	1913
Վիքիդարան	Աղջկա սիրտը

Պատմություն

Բալլադի հիմքը ժողովրդական է։ Թումանյանն իր մշակած մեկ այլ` «Ծաղիկների երգը» բալլադի ինքնագրում նշել է իր օգտագործած աղբյուրները, որոնց մեջ կան մի շարք անունների բացատրություններ, ինչպես նաև` դրանցից որոշների ծագման հետ կապված ավանդություններ։ Ավանդություններից մեկը, որն ունի «Խաշխաշ» վերնագիրը, հենց հիմք է դարձել «Աղջկա սիրտը» բալլադի համար։

Գրվել է 1913 թվականին։ Ինքնագիրը մեզ չի հասել։

Տպագրություն

«Արևելյան ավանդություն» ենթավերնագրով առաջին անգամ տպագրվել է Նոր Հոսանք ամսագրի 1913 թվականի 4-5-րդ համարների 682-686 էջերում, այնուհետև՝ Կ. Պոլսում լույս տեղած բանաստեղծությունների ժողովածուի 119-122 էջերում, ապա՝ Երկերի ժողովածուի առաջին հատորի 334-336 էջերում։