Ահաբեկչություն Սուսում
Ահաբեկչական գործողություն Սուսում, տեղի է ունեցել 2015 թվականի հունիսի 26-ին՝ Սուս քաղաքի Էլ Կանտավի ռեկրեացիոն շրջանի «El Mouradi Palm Marina» և «Riu Imperial Marhaba» հյուրանոցների տարածքում։ Լողափի կողմից հյուրանոցի տարածք է ներխուժել զինված ահաբեկիչը և գնդակահարել հյուրանոցի բոլոր հյուրերին։ 39 մարդ զոհվել է, 39-ը՝ վիրավորվել։ Հարձակվողը սպանվել է։
| Ահաբեկչություն Սուսում | |
|---|---|
.jpg) | |
| Տեսակ | զանգվածային սպանություն |
| Երկիր |  Թունիս |
| Տեղադրանք | Port El Kantaoui? |
| Գրոհի նպատակ | tourist? |
| Տարեթիվ | հունիսի 26, 2015[1] |
| Զենք | Kalashnikov rifle?[1] |
| Զոհվածներ | 39 մարդ[2] |
| Վիրավորներ | 36[2] |
 2015 Sousse attacks Վիքիպահեստում | |
Զոհված զբոսաշրջիկների մեծ մասը բրիտանացիներ են։ Մեծ Բրիտանիայի 30 հպատակներից բացի զոհվել են 2 գերմանացիներ, 3 իռլանդացիներ և Բելգիայի, Պորտուգալիայի և Ռուսաստանի մեկական քաղաքացիներ (Տատյանա Խոմենկոն, նրա դուստր Ելենա Խոմենկոն վիրավորվել են ոտքի շրջանում)[3]։
Հարձակվոը եղել է Սեյֆուդդին Ռեզգին, Սիլյան վիլայեթի 23-ամյա բնիկ, որը Կայրուանի համալսարանի ուսանող էր։ Փորձաքննությունը պարզել է, որ նա ահաբեկչության պահին թմրանյութերի ազդեցության տակ է եղել։ Նրա մոտ հայտնաբերվել է չօգտագործված պայթուցիկ սարք։ Ականատեսները պնդում են, որ կրակոցների ժամանակ հարձակվողը սպանվածներին նկարահանել է տեսախցիկով և ծիծաղել[4]։ Ոստիկանությունը վստահ է, որ ահաբեկիչն ունեցել է օգնականներ, որոնք ուղղակիորեն չեն մասնակցել հրաձգությանը։ Փորձագետները պարզել են, որ բոլոր փամփուշտները արձակվել են մեկ զենքից՝ Կալաշնիկովի ինքնաձիգից։ Ընդհանուր առմամբ, ահաբեկիչը ինքնաձիգի 4 փամփուշտատուփ է ունեցել[5]։ Սպանվել է անվտանգության ծառայությունների հետ փոխհրաձգության ժամանակ։
Թունիսի իշխանությունները ձերբակալել են ահաբեկչությանը մասնակցելու մեջ կասկածվող 12 մարդու, ևս 2-ին որոնում են[6][7]։
Սուսում հարձակման հետ միաժամանակ նույն օրը տեղի են ունեցել երկու այլ նկատելի ահաբեկչություններ, որոնց պատասխանատվությունը ստանձնել է ԴԱԻՇ-ը՝ հարձակում Ֆրանսիայի գործարանի վրա[8], ինչպես նաև Քուվեյթում մզկիթի պայթյուն[9]։
Երեք ամիս առաջ Թունիսում տեղի էր ունեցել մեկ այլ խոշոր ահաբեկչություն, որի արդյունքում Բարդոյի ազգային թանգարանում սպանվել էր ավելի քան 20 մարդ։
Ծանոթագրություններ խմբագրել
- ↑ 1,0 1,1 1,2 Deadly attack on Tunisia tourist hotel in Sousse resort — The Guardian, 2015.
- ↑ 2,0 2,1 http://www.bbc.co.uk/news/uk-33302750
- ↑ Tunisia attack: What we know about the British victims - BBC News
- ↑ Tunisia attack gunman was high on COCAINE and took pictures during shooting | Daily Mail Online
- ↑ Tunisia hotel shooting video: Dramatic footage appears to show gunman Seifeddine Rezgui running on Sousse beach Արխիվացված 2015-09-25 Wayback Machine - The Independent
- ↑ «Tunisia attack: Eight 'sleeper cell' suspects held following arrests over Sousse hotel massacre - Middle East - World - The Independent». Արխիվացված է օրիգինալից 2019 թ․ մայիսի 27-ին. Վերցված է 2020 թ․ օգոստոսի 24-ին.
- ↑ Власти Туниса задержали 12 подозреваемых в причастности к теракту // Lenta.ru
- ↑ Теракт в Тунисе: первые фотографии с места трагедии
- ↑ Тройной удар ИГ: теракты во Франции, Тунисе и Кувейте