Ալմին
- Վիքիպեդիայում կան հոդվածներ Մինասյան ազգանունով այլ մարդկանց մասին։
Ալմին (բուն անունով՝ Ալբերտ Մինասյան, 1952, Թեհրան, Իրան - օգոստոսի 14, 2021, Թեհրան, Իրան), իրանահայ բանաստեղծ։ Հայաստանի, Արցախի և Իրանահայ գրողների միությունների անդամ։
Ալմին | |
---|---|
Ծնվել է | 1952 |
Ծննդավայր | Թեհրան, Իրան |
Վախճանվել է | օգոստոսի 14, 2021 |
Վախճանի վայր | Թեհրան, Իրան |
Մասնագիտություն | բանաստեղծ |
Քաղաքացիություն | Իրան |
Կենսագրություն խմբագրել
Նախնական և միջնակարգ կրթությունը ստացել է Թեհրանում։ Գրել սկսել է պատանի հասակից։ Նրա առաջին բանաստեղծությունները լույս են տեսել «Ալիք Պատանեկան» երկշաբաթաթերթում 1970 թվականին, ապա տպագրվել են մի շարք գրական թերթերում և ամսագրերում, ինչպես՝ «Ալիք», «Բագին», «Գրական թերթ», «Գարուն», «Աղբյուր» և այլն։
Ալմինի բանաստեղծությունների առաջին ժողովածուն՝ «Տրոփիւններ»-ը, լույս է տեսել 1976 թվականին Թեհրանում։ Այնուհետև հրատարակել է «Լուսարբութիւն» (1978), «Սիրանիւթ» (1981), «Եւ եղեւ լոյս» (1991) բանաստեղծությունների ժողովածուները։ 1990 թվականին արժանացել է գրական մրցանակի։
Նա որպես ուսուցիչ հայոց լեզու և գրականություն է դասավանդել հայկական դպրոցներում[1]։
2000 թվականին պարգևատրվել է Մեծի Տանն Կիլիկիո կաթողիկոսության «Ս. Մեսրոպ Մաշտոց» շքանշանով[2]։
Մահացել է 2021 թվականին կորոնավիրուսից[3]։
Ծանոթագրություններ խմբագրել
- ↑ Իրանահայ դարավերջի գրողներ, Թեհրան, Իրանահայ գրողների միութիւն, թիվ 4, էջ 33։
- ↑ Իրանահայ հանրահայտ գործիչներ։ Ալմին։
- ↑ Պայծառ Յիշատակդ Մեր Սրտերում Անմոռանալի Սիրելի Ալմին (Մահուան Տխուր Առիթով)։