Ալեքս Միսկիրտչյան

բելգիաբնակ հայազգի պրոֆեսիոնալ բռնցքամարտիկ

Ալեքս Միսկիրտչյան (անգլ.՝ Alex Miskirtchian, դեկտեմբերի 24, 1985(1985-12-24), Թբիլիսի, ԽՍՀՄ), բելգիաբնակ հայազգի պրոֆեսիոնալ բռնցքամարտիկ, Եվրոպայի եռակի չեմպիոն[1][2]։

Ալեքս Միսկիրտչյան Boxing pictogram.svg
Ընդհանուր տեղեկություններ
ՔաղաքացիությունFlag of Belgium.svg Բելգիա
Ծննդյան ամսաթիվդեկտեմբերի 24, 1985(1985-12-24) (34 տարեկան)
ԾննդավայրԹբիլիսի, ԽՍՀՄ
alexandremiskirtchian.com

ԿենսագրությունԽմբագրել

Ալեքս Միսկիրտչյանը ծնվել է 1985 թվականին Թբիլիսի քաղաքում։ Հայրը եղել է օդաչու, իսկ մայրը՝ հոգեբան։ Ալեքսի պապիկն ու հորեղբայրը նույնպես զբաղվել են բռնցքամարտով։ Ալեքս Միսկիրտչյանը բռնցքամարտիկի կարիերան սկսել է Վրաստանում և ընդգրկվել հավաքականի կազմում: Եղել է Վրաստանի չեմպիոն։ 14 տարեկանում տեղափոխվել է Բելգիա, շարունակել մարզումները, դարձել սպորտի վարպետ։ Շուտով Ալեքսը դառնում է երկրի չեմպիոն և ընդգրկվում Բելգիայի հավաքականի կազմում։ 2005 թվականին նա տեղափոխվում է պրոֆեսիոնալ ռինգ։ Պրոֆեսիոնալ բռնցքամարտի առաջին մենամարտում նա հաղթանակ է տարել Նիկոլայ Վոլովոյի նկատմամբ, իսկ առաջին պարտությունը կրել է իտալացի Անտոնիո դե Վիտիսից[3]։ 2014 թվականին Ալեքս Միսկիրտչյան հաղթել է Սոֆյան Տեկուշտին (Ֆրանսիա)[4] և իրավունք ստացել մրցելու IBF վարկածով չեմպիոն ռուս Եվգենի Գրադովիչի հետ[5]։ Այդ հանդիպման ժամանակ Ալեքսը մենամարտը տանուլ է տվել[6]: Ալեքս Միսկիրտչյանը Բելգիայում հիմնադրել է բռնցքամարտի ակադեմիա և կոչվում է այն իր անվամբ[7][8]։ Ալեքսի կինը իտալուհի է։ Նրանք ունեն երկու որդի։

ԾանոթագրություններԽմբագրել

Տես նաևԽմբագրել