Ալեքսեյ Սերգեևիչ Կրուգլով
Ալեքսեյ Սերգեևիչ Կրուգլով (ռուս.՝ Алексей Сергеевич Круглов, մարտի 8, 1986, Մոսկվա, ԽՍՀՄ[1]), ռուս սերիական մարդասպան։
| Ալեքսեյ Սերգեևիչ Կրուգլով | |
|---|---|
| Ծննդյան ամսաթիվ | մարտի 8, 1986 (38 տարեկան) |
| Ծննդավայր | Մոսկվա, ԽՍՀՄ |
| Սպանություն | |
Կենսագրություն խմբագրել
Ապրել է Մոսկվայում։ Որպես ավտոմեխանիկ՝ աշխատել է «Kia Motors» տեխնիկական կենտրոնում[1]։
2005 թվականի հուլիսի 19-ին Կրուգլովը մեկնել էր Մոսկվայի մարզի Իստրինի շրջանի «Պոլյանկա» այգեգործական ընկերակցության ամառանոց։ Ռոժդեստվենոյի խճուղում նա հանդիպել է 12-ամյա Միխայիլ Ելշինին, նրա 10-ամյա եղբորը՝ Ալեքսանդրին և նրանց 11-ամյա ընկեր Պավել Սոկոլովին, որոնք բնակվում էին Դեդովսկ քաղաքում[2]։ Կրուգլովը տղաներին առաջարկել է նրանց տեղափոխել երկաթուղային կայարան։ Բայց հետո գնացել է դեպի իր ամառանոց։ Կանգ առնելով՝ նա Միխայիլ Ելշինին փակել է մեքենայի բեռնախցիկում, իսկ հետո իր վերնաշապիկով խեղդել է մյուս երկու տղաներին։ Հաջորդ օրն առավոտյան նա գնացել է Լուժկի գյուղ, գյուղի գերեզմանատան մոտ նա լարով խեղդամահ է արել Միխայիլ Ելշինին[3]։ Միխայիլ Ելշինի մարմինը հայտնաբերվել է հուլիսի 29-ին, Ալեքսանդր Ելշինինը և Պավել Սոկոլովինը՝ օգոստոսի 1-ին[2]։
2009 թվականի մայիսի 14-ին Կրուգլովը 14-ամյա զարմուհուն՝ Աննա Մուլենկովային, առաջարկել է տանել դպրոց[1]։ Ճանապարհին նա կանգ է առել Շարիկապիշնիկովսկայա փողոցում և խեղդել աղջկան USB լարով։ Այնուհետև մարմինը տարել է Իստրայի շրջան և թաքցրել այն «Պոլյանկա» այգեգործական ընկերակցության մոտ գտնվող անտառում[3]։
Աննա Մուլենկովայի սպանությունը բացահայտվել է բուռն հետապնդման արդյունքում. պարզել են, որ վերջինը, որի հետ նա խոսել է բջջային հեռախոսով, եղել է նրա քեռին։ Ձերբակալությունից հետո մոլագարը խոստովանել է, որ սպանել է զարմուհուն և 2005 թվականին եռակի սպանություն կատարել Իստրայի շրջանում։ Նա նաև խոստովանել է, որ 2003 թվականի օգոստոսի 25-ին «Պոլյանկա» այգեգործական ընկերակցությունում պարանով խեղդել է 9-ամյա տղայի, որի մարմինը հայտնաբերվել է երկաթուղային թունելի մոտ՝ «Սնեգիրի-Մանիխինո» 47-րդ կիլոմետրի շրջանում[4][5]։
Դատահոգեբուժական փորձաքննությունը նրան մեղսունակ է ճանաչել[4][6]։ Դատարանի առաջին նիստից առաջ Կրուգլովը փորձել է ինքնասպան լինել ավտոզակում՝ կտրելով վիզը, սակայն բժիշկներին հաջողվել է փրկել նրա կյանքը։ Ավելի ուշ մոլագարը ինքնասպանության ևս երեք փորձ է ձեռնարկել։ Բժիշկների եզրակացությամբ՝ Կրուգլովի գործողությունները «ցուցադրական բնույթ» են կրել[2]։
2010 թվականի մայիսի 14-ին առաջին դատական նիստում Կրուգլովը հրաժարվել է իր ցուցմունքների մի մասից՝ հայտարարելով 2003 և 2005 թվականների սպանություններին առնչություն չունենալու մասին[1][2][4][6]։ Հուլիսի 5-ին Մոսկվայի շրջանային դատարանը Ալեքսեյ Կրուգլովին մեղավոր է ճանաչել 2005 և 2009 թվականներին կատարված չորս երեխաների սպանությունների համար և նրան դատապարտել ցմահ ազատազրկման[2]։ 2003 թվականի սպանությունը դատարանը համարել է չապացուցված[3]։
Ծանոթագրություններ խմբագրել
- ↑ 1,0 1,1 1,2 1,3 Детоубийца признал четверть вины
- ↑ 2,0 2,1 2,2 2,3 2,4 Истринский маньяк лишён жизни на свободе
- ↑ 3,0 3,1 3,2 «Маньяк «отдыхал» на даче: четверо детей – трупы». Արխիվացված է օրիգինալից 2019 թ․ հունիսի 28-ին. Վերցված է 2019 թ․ օգոստոսի 31-ին.
- ↑ 4,0 4,1 4,2 Истринский маньяк
- ↑ Мособлсуд рассмотрит дело обвиняемого в убийстве пятерых детей
- ↑ 6,0 6,1 Подмосковный убийца пяти детей сознался в одном эпизоде