Ալեքսանդր II-ի հուշարձան (Շախտի)
Անվան այլ կիրառումների համար տե՛ս՝ Ալեքսանդր II-ի հուշարձան (այլ կիրառումներ)
Ալեքսանդր II-ի հուշարձան (ռուս.՝ Памятник Александру II), հուշարձան Ռուսաստանի Ռոստովի մարզի Շախտի քաղաքում։ Հասցեն` Շևչենկոյի փողոցի և Պուշկինի պողոտայի խաչմերուկ։
 | |
|---|---|
.jpg) | |
 | |
 | |
| Տեսակ | հուշարձան |
| Բարձրություն | 5,7 մետր |
| Երկիր |  Ռուսաստան |
| Բնակավայր | Շախտի |
| Ներկա վիճակ | կանգուն |
 Արտաքին պատկերներ
| |
|---|---|
|
Ալեքսանդր II-ի հուշարձանի լուսանկարներ |
Պատմություն խմբագրել
Ռուսաստանի կայսր Ալեքսանդր II-ի հուշարձանը բացվել է 2015 թվականի ապրիլի 29-ին` Շախտիում՝ Դոնի պետական տեխնիկական համալսարանի սպասարկման ոլորտի և ձեռնարկատիրության ինստիտուտի (մասնաճյուղի) գլխավոր մասնաշենքի առաջ։ Հուշարձանը կառուցվել է կամավոր նվիրատվություններով։ Բացելու իրավունքը տրվել է Ռոմանովների տան ներկայացուցչին` Ալեքսանդր III կայսեր թոռան թոռ, մեծ իշխանուհի Օլգա Ալեքսանդրովնայի ծոռ Պավել Էդուարդովիչ Կուլիկովսկի-Ռոմանովին և Շախտիի Յ. Պ. Բակլանովի կադետական կազակական կորպուսի սան Կիրիլ Պովեչերովին։
Նկարագրություն խմբագրել
Պատվանդանը պատրաստված է մուգ գրանիտից, իսկ Ալեքսանդր II-ի քանդակը` բրոնզից։ Հուշարձանի բարձրությունը 5,7 մետր է, որից 2,4 մետրը Ալեքսանդր II-ի քանդակն է։ Հուշարձանը նայում է դեպի Պուշկինի պողոտա։ Դիմային կողմում ոսկեգույն տառերով մակագրված է.
|
Ալեքսանդր II։ Ազատարար թագավոր։ | 
|
Հետնամասում կայսրի մասին համառոտ կենսագրական տեղեկանք է.
|
|
«Ալեքսանդր II կայսրը 1861 թվականին չեղյալ է հայտարարել ճորտատիրությունը և միլիոնավոր գյուղացիների ազատել բազմադարյա ստրկությունից։ Անցկացրել է ռազմական և դատական բարեփոխումներ, ներմուծել է տեղական ինքնակառավարման համակարգ, քաղաքային դումաներ և տեղական վարչություններ։ Ավարտել է բազմամյա Կովկասյան պատերազմը։ Սլավոնական ժողովուրդներին ազատագրել է օսմանյան լծից։ Զոհվել է 1881 թվականի մարտի 1-ին ահաբեկչությունից։ Ի հիշատակ այդ իրադարձության 1883 թվականին Ալեքսանդր III-ի հրամանագրով Գրուշևսկու հանքարդյունաբերության բնակավայրին տրվել է քաղաքի կարգավիճակ և Ալեքսանդրովսկ-Գրուշևսկի անվանումը»։ |
|
Հուշարձանը տեղադրվել է Շախտի քաղաքի պատմական խորհրդի նախաձեռնությամբ։ Քանդակագործն է Յուրի Ալեքսեևիչ Լևոչկինը։