Ազգային թատրոն (Պրահա)

Ազգային թատրոն (չեխ․՝ Národní divadlo), Պրահայում հայտնի է որպես Չեխիայի օպերայի մայր թատրոն և ընդգրկված է Չեխիայի պատմության և արվեստի ազգային հուշարձանների ցանկում։

Ազգային թատրոն, Պրահա Národní divadlo
Տեսակ	թատերական կազմակերպություն և կազմակերպություն
Տնօրեն	Յան Բուրյան
Երկիր	Չեխիա
Գտնվելու վայրը	Չեխիա Պրահա
Հիմնադրման ամսաթիվ	1881
Կայք	narodni-divadlo.cz
Národní divadlo (institution) Վիքիպահեստում

Պատմություն

Ազգային թատրոնի շենքը համարվում է Չեխիայի կարևորագույն ճարտարապետական հուշարձաններից մեկը։ Գտնվում է Վլտավա գետի ափին, Պրահյան Գրադի տարածքում։

Թատրոնը կառուցվել է 1867-1881 թվականներին, ճարտարապետը Յոզեֆ Զիտեկի նախագծով, նեոռենեսանսի ոճով, ներքին դեկորացիաներում նկատելի է նաև սլավոնական առասպելաբանության ազդեցություն։ Առաստաղն ութ «Արվեստների այլաբանություններով» նկարազարդել է Ֆրանտիշեկ Ժենիշեկը։ Բացումից երկու ամիս անց շենքը հրդեհից վնասվել է։ Թատրոնի վերակառուցման աշխատանքները շարունակել է Զիտեկի սանը՝ Յոզեֆ Շուլցը։ Շենքի վերաբացումը տեղի է ունեցել 1883 թվականին։ Շենքը կառուցվել է ժողովրդական նվիրատվությունների շնորհիվ և շինարարության կարգախոսն է եղել՝ «Ազգն ինքն իրեն» (Národ sobě) արտահայտությունը։ Այս կարգախոսն այժմ գրված է թատրոնի գլխավոր բեմահարթակի վերևում։

1976-1983 թթ. թատրոնը կրկին վերանորոգվել և ընդլայնվել է։ 1983 թվականին Ազգային թատրոնի 100-ամյակի կապակցությամբ բացվեց նոր բեմով կառուցված շենքը։ Թատրոնն ունի մի քանի բեմեր։

Քարե մոխրագույն շենքն ունի ձվաձև կապույտ գմբեթ՝ զարդարված է մեծ թագով, որն առանձնանում է շենքի մոխրագույն ֆոնի վրա։ Շենքի ճակատը զարդարում են մուսաների և Ապոլոնի արձանները։ Կողքային մուտքի վերևում տեղադրված են Օպերայի և Դրամայի ալեգորիկ արձանները։

Պատկերասրահ

• 
• 
• 
• 
• 
• 

Գրականություն

• Národní divadlo. In Česká divadla : encyklopedie divadelních souborů. Praha ։ Divadelní ústav, 2000. 615 s. ISBN 80-7008-107-4. S. 319–337.

Արտաքին հղումներ

• Պաշտոնական կայքը Արխիվացված 2012-01-23 Wayback Machine

Ազգային թատրոն (Պրահա) էջը Վիքիպահեստում

Վիքիպահեստն ունի նյութեր, որոնք վերաբերում են «Ազգային թատրոն (Պրահա)» հոդվածին։