Էյ Էմ իրավաբանական ընկերություն

«AM» իրավաբանական ընկերություն, իրավաբանական ընկերություն Հայաստանում։ Ստեղծվել է 2012 թ.։ Մատուցում է իրավաբանական ծառայություններ իրավունքի բոլոր ճյուղերով ինչպես հայաստանյան, այնպես էլ արտասահմանյան ընկերություններին և ֆիզիկական անձանց։

Էյ Էմ իրավաբանական ընկերություն
Ընկերության տեսակ	Սահմանափակ պատասխանատվությամբ ընկերություն
Հիմնադիր	Գրիգոր Մինասյան, Եվա Առաքելյան
Վայր	Երևան, Հայաստան
Ծառայություններ	Ընդհանուր իրավաբանական ծառայություններ
Կայք	am.am

Պատմություն

«AM» իրավաբանական ընկերությունը հիմնադրվել է 2012 թվականին՝ երկու խոշոր իրավաբանական ընկերությունների՝ «Լեքս Փարթներս» ՍՊԸ և «Դիֆենս» ՍՊԸ թիմերի միավորման արդյունքում, որոնք մինչ այդ ավելի քան 10 տարի գործունեություն են ծավալել իրավաբանական ծառայությունների մատուցման ոլորտում։

«AM» իրավաբանական ընկերության կառավարիչ բաժնետերն է Գրիգոր Մինասյանը։

2014 թ. դեկտեմբերից Ընկերությունը հանդիսանում է Հանրային իրավունքի եվրոպական կազմակերպության երևանյան մասնաճյուղի հյուրընկալող (host) ընկերությունը։

2015 թվականի հոկտեմբերին Ընկերությունը իր առաջին մասնաճյուղերը բացեց Գյումրիում և Ստեփանակերտում։

Գործունեություն

2012 թ. ընկերությունը ներկայացրել է «Ջազվե» ՍՊԸ շահերը՝ Մեծ Բրիտանիայում գրանցված «Բարբրի Լիմիթեդ» ընկերության դեմ դատական գործում։ Ընկերության փաստաբանների աշխատանքի արդյունքում վեճն ավարտվել է հաշտությամբ։

2013-2014 թվականներին ընկերությունը ներկայացրել է «Աֆին Լիզինգ» ավստրիական լիզինգային կազմակերպությունը՝ «Սպայկա» հայկական ընկերության դեմ դատական գործում։ 6 տարի տևած դատական վեճն ավարտվել հաշտությամբ՝ «Աֆին Լիզինգ» կազմակերպության օգտին։

Ընկերությունը մասնակցել է «fake»-երի մասին օրինագծի քննարկմանը, «Հայաստանի Հանրապետության աշխատանքային օրենսգրքում փոփոխություններ և լրացումներ կատարելու մասին» օրենսդրական նախագծի, «Հեղինակային իրավունքի մասին» ՀՀ օրենքի նախագծի, մայրության նպաստների վերաբերյալ օրենսդրական նախագծի սահմանադրականության վերաբերյալ և բազմաթիվ այլ նախագծերի մշակմանը և քննարկմանը։

Ընկերությունը քրեական և քրեական դատավարության իրավունքի վերաբերյալ եզրակացություն է տրամադրում Հայաստանում ԱՄՆ Խաղաղության Կորպուսին։

Ընկերությունը ԱրմենՏել ՓԲԸ («Բիլայն») ներկայացուցիչն է առանձնահապես բարդ աշխատանքային վեճերով։

Հանրային գործունեություն

2014 թ. հուլիսին ընկերությունը հովանավորել է «Նվագում ենք հանուն փոփոխության» մանկական դասական երաժշտության փառատոնի հաղթող մասնակցին՝ տրամադրելով կրթաթոշակ։

2014 թ. հոկտեմբերին «AM» իրավաբանական ընկերության կողմից կազմակերպվել է «Ինչպես բարեփոխել Սահմանադրությունը» վերտառությամբ ուսանողական մրցույթ, որի ընթացքում երիտասարդ իրավագետները ներկայացրել են իրենց դիտարկումներն ու առաջարկները Սահմանադրական բարեփոխումների հայեցակարգի վերաբերյալ։

Ընկերությունը ստանձնել է «Գյումրին առանց տնակների» հիմնադրամի իրավաբանական աջակցությունը: Արխիվացված 2017-10-21 Wayback Machine

Միջազգային ճանաչում

«AM» իրավաբանկան ընկերությունն առաջին տեղով ճանաչվել է լավագույն իրավաբանական ընկերությունը Հայաստանում The Legal 500-ի կողմից։

Ընկերությունը Brealant-ի կողմից ճանաչվել է հայաստանյան այն ընկերությունների շարքում, որոնք նաև մասնագիտացած են մտավոր սեփականության ոլորտում իրավաբանական ծառայությունների տրամադրման մեջ։

Արտասահմանյան գործընկերներ

• Galstyan Law Group (ԱՄՆ)
• West Coast Odyssey Enterprises Inc (Կանադա)
• DADLAW (Կիպրոս)
• Stalworth Pro (Կիպրոս)
• Doradztwo Prawne ACLEGAL (Լեհաստան)
• EULEO  (Լեհաստան)
• Estrade, Azad & Harutyunyan (Ֆրանսիա)
• Law&More B.V. (Նիդեռլանդներ)
• JUDr. Daniela Jezova (Սլովակիա)
• BGI Lega (Վրաստան)
• BLC (Վրաստան)
• J&T Consulting (Վրաստան)
• Danevych Law Firm (Ուկրաինա)
• Первая Украинская Долговая Компания (Ուկրաինա)
• Юридический альянс Викторовичи и Партнеры (Ուկրաինա)
• Адвокатский кабинет Маркарьяна Рубена Валерьевича (Ռուսաստան)
• Аваков Тарасов и Партнеры (Ռուսաստան)
• 02 Консалтинг (Ռուսաստան)
• Law Offices of Dr. Hasan Amirshahi & Assoc. (Իրան)
• Alireza Shahidi Razavi & Associates (Իրան)
• Karimi & Associates Law Firm (Իրան)
• Beirut Practice Law Firm (Լիբանան)
• Commitbiz Management Consultants (ԱՄԷ)
• Haihong Jiacheng Intellectual Property & Partners  (Չինաստան)
• C&H Int'l Consultant Limited (Չինաստան)
• IP Tractus (Հնդկաստան)